سوبيآ مكه…~

 

واخيرًا ألتقيت بسوبيآ ..بعد جهد جهيد من البحث والدوران في الشوارع خلال رمضان ..~ بالرغم من انها كانت مخاطره ومغامره في كل عصر رمضاني بعد القراءه في المسجد اتجه للبحث عن ” السوبيآ ” ..الخطر يكمن في بعض الاشخاص من فصيلة ” المشافيح ” 😀 في نهاية عصر كل يوم ..نجدهم يقودون سياراتهم بشكل جنوني للحاق بوجبة الإفطار .. فيتسببون في إرباك حركة المرور وحوادث مروريه .. :yellow F (5):

نزلت من السياره بكل حمااس .. لدرجة اني نسيت المفتاح في السياره ..XD فسألت عن اللون الابيض للسوبيآ ..ومالقيته خلص ..لم يتبقى إلا اللون الاحمر ..لو تركزون ع السياره في الجمس مكتوب سوبيآ مكه .. وتحتها المكونات ..اللي هي تمر هندي >_>” ..وتوت وشعير ..لكن تمر هندي ما استوعبته ..تسرعت وشريت اللون الاحمر بـ 10 ريال -_-” ..وكان في كيس ومليااان .. يعني فضيحه مايمدي اخبيه ..ولأن السوبيآ شي جديد علينا نحن اهل الرياض مادري وش هي السوبياا دائمًا اسمع عنها واسأل بعض الاصدقاء والاقارب اللي من مكه والطائف فيقولون اايه سوبيا  الله ..انا مدمن سوبيا ..فمن هنا بدأت التفكير في تجربة هالعصير المدعو سوبيآ ..طبعًا اذكر في الصغر سألت والدي ..عن السوبيا ..فكان يقولي مثل الفيمتو ..بعدها اذكر صرفت انتباهي عنها ..لكني الان اعود وبكل قوه واود تجربتها ..

لا احد يستطيع ان يحرمنا من حق التجربه ..فهي خير برهان لنا ولتساؤلاتنا ..اذا كنت تستطيع.. فلا تحرم نفسك منها حتمًا ستشعر بالراحه لانك استطعت تجربة كل ماهو حولك وزيادة عدد تجاربك وتطوير معرفتك للافضل.. لكن وطنوا هذه التجارب في كل شي حسن وطيب ويرضي الرحمن قبل كل شي ..,ا

كأنه كيس من الدم ..هههههههه شكله يحز في النفس ..لكن كنت متحمس لتذوقه ..فكنت بأحطه في الثلاآجه فقلت لابد من وضعه بدااخل انااء مناسب له .. من هنا بدأت الحوسه ..:yellow F (90):

الانااء الاول ماكفى ..فكانت السوبيآ تنتشر في كل مكان ..والملاآآبس كلها كلها خخخ صار لونها احمر ..وغير ارضية المطبخ ..لاني كنت شايل السوبيا ونا رايح للجهه الاخرى لإحضار انااء اخر ..XD

-_-” الجزء الاسوء هو إخفاء الجريمه “التنظيف” فكان مهلك جدًا ..وفوق هذا كلها يديني لونها احمر ..وبالقوه رآح اللون ..لأنها صبغه ..فاتوقع كانوا مكثرين صبغه في السوبيا ..ونسيت اشربها في اليوم الثاني ..انصدمت بالطعم ..كان اسوء عصير اشربه .. -_-” وفووق هذا كلله .. اناائين من يشربها ..بدأت بالتسويق للسوبيا ..وللاسف ماحد عجبه طبعًا الاناء المليان خبئته حتى لاحد يلومني .. 😀 كان طعمه سيئ لكن كنت بين الساعه والاخرى اود تجربتها من جديد ..لاني لم استسيغ الطعم جيدًا ..ولاني لا زلت اظن ان مذااقها جيد .. ولا زلت الى الان اظنها جيده ..لكن طعم جوز الهند ..اللي عرفته من اول جغمه ” شربه ” بسبب تجربه ساابقه .. XD لكن طلع تمر هندي فاتوقع ان مذاق التمر الهندي قريب جدًا من مذآق عصير جوز الهند ..أأأ احد الاخوان من تويتر ..يقول خلها في الثلاآجه خمس ايااام ..ورآآح تجد الطعم مختلف تمامًا ..ما رآح تشعر فيه .. XD فعلاً تركتها خمس اياام لكن >_>” ما شربتها ..وفي نفس الوقت لشرائي السوبيا كان احد الاقارب من سكان مكه ضيفًا علينا ..فسألته وشرحت له التجربه فقال غريب السوبيا مافيها تمر هندي ..يمكن عشان كذآ كان الطعم سيئ التمر الهندي ..لذآ رآح اجربها مره اخرى دون تمر هندي وفي مكه إن شاء الله ومن عند الخضري المشهور في مكه  ..,اXD

كيف عرفت طعم جوز الهند .. طبعًا من تجربه سابقه وهي كالآتي ..


XD  من زمااان ونا ابغى اجرب جوز الهند .. من الصغر ..كنت اصر ع الوالد يشتري لي وحده ..لكن كانت كل محاولاتي يصادفها الفشل بسبب رفض الوالد في بنده او العثيم -_- .. لا اعلم لم الرفض:yellow F (6): ..شي جديد لم لا نجربه ..فالحمدلله قبل فتره بعد ما كبرنا خخخ وتخرجنا ..تذكرت جوز الهند ..وحان الوقت لتجربته .. كنت اسميه في الصغر زوج هند X”D فاتوقع هذا سبب رفض الوالد خخخخ ..طبعًا تم الاستعانه بأحد الهنود ليختاار لي زوجه هنديه مناسبه عفوًا جوزه .. :biggrin:

ووقع الاختياار ع هذه .. كنت متحمس لتجربتها ..:004:

لان كل الصور اللي في قوقل ..تفتح النفس .. كذآ شكلها جدًا شهي XD تحسون طعمها مثل اللي في الباونتي ..وعصير اللي بداخلها .. باارد ويدوخ ..:002:

قااسيه كالصخر .. XD بإمكاني قتل احدهم برجفها في رأسه ..عاانيت جدًا جدًا جدًا في كسرها >_>” او ما كسرتها لكن بطريقه ما تم كسرها..:010:

هنا نقااط ضعفها احد الدوائر هذه اقولها عن واقع تجربه لـ 4 ساعات متواصله وسعابيل تمطر من الحماس ..طبعًا انفضحت خخخ والجميع عرف بالامر .. لان صوت الطرق والضرب والخبط يسمع من آخر البيت ..وكالعاده ردت فعل الوالد ..الحمممدلله ..الله يرزقك العقل الصالح ..خخخ الوالده ..لاتحوس في المطبخ  ..الاخوان ااالله وش ذآ ؟؟ عطنا معك .. لكن في الاخير الجميع طفش من الانتظار خخخ وبقيت انا اطرق واخبط لكسرها ..جائتني فكره بإستخدام الدريل وهو شي مثل المسدس يستخدم للحفر ..ففكرت لكن تذكرت لو استخدمته رآح يكسرها الوالد ع راسي .. :006:

والحمدلله ..فقعت العين الاولى XD بعد طرق بالمطرقه والسكروب ..

هذا هو شكل عصير جوز الهند -_-” .. طعمه هو الاسوء بعد السوبيا خخخ الله يديم النعمه ..حتى جوز الهند نفسه الابيض ماكان له طعم ..بس العصير ..اتوقع فيه اضافات ..مايشرب كذآ ..كان في مراره خفيفه ..كذآ كأنه زيت شعر موب عصير ..

لاحد يدقق ..لان جد صعب كسرهاا ..كنت انتظر العصير قطره قطره .. والحمدلله ماحد جربه غيري ..طبعًا شربته كله لان حسب ما قرأت في وكييبيديا ..انه له فوائد كثير ..فالله ينفع به ..لكنه كان سيئ ..

وهذا السبب لمعرفتي لمذاق جوز الهند او التمر الهندي ..فمن التجارب السابقه نحن نفيد انفسنا اولاً ..حتى لو كانت تجربه فاشله ..لكنها تعود علينا بالنفع في يوم من الايام ..ان تعيش التجربه افضل بكثير ان تستمع لتجربة احدهم ..لكن لابأس بالاستفاده منها .. والتجارب ليست محصوره ع الاكل فقط ..بل في حياتنا اليوميه لابد من تجربة كل مفيد وجديد ..

تمت .. 😀

Advertisements
بواسطة فيصل

5 تعليقات على “سوبيآ مكه…~

  1. ههههههههههه بالله لا عاد تجرب شيء من جديد

    اما جوز الهند مدري كيف اصطنعت لها عيون :d

    تدوينه جميلهـ ومدونه أجمل ,, موفق أخوي ,,~

  2. سوبياً و جوز هند بالله كيف ترضاها لنفسك في نهار رمضان !
    ههههههههههههه
    شكل بطنك أكل مطبااااات أرض جو بحر ض1
    بعدين السوبيا و انا أخوك سكرررررررررررر ×_× يطلع من أذانيك
    تدوينة حليـــوة .. لا تبطي بالتغطيات و الحركات البايخة حقتك ض1

  3. السلامُ عليكم ..
    اول شي لون السوبيا اللي شاريها ابداً ما تأهل 😦 كثير ناس يسونها ويلصقون اسم سوبيا مكه وتكون بعيده عن كل البعد عن السوبيا
    – لكن جرب السوبيا في مكه او جده ومن محلات موثوقه راح تحبها 🙂
    _ التمر الهندي هو الحمر ومذاقه بعيد جداً عن جوز الهند.!!
    ومشروب العافيه يارب 🙂

  4. آآآىووه فيصل انتا رقعتت .. أهلا وسهلا ..وعودا حميدا ..
    ياخي فقدنا مدونتك ثسم ب الله 🙂 كم أحببتها ..

    نتمنى لك رجعه اقوى لانو من زمان مو شايفه لك تدوينه ..

    وش سالفة أمك مع الهنود … شكلك ب تخربها ب الاخير وبتصير تبيع شغالات هنديات خخخخخخخ

    🙂 تدينه رائعه

  5. سلـآموَ ,,

    شخبآركٍ فيصـلًَ ؟
    يَ اخيٍ انت انسان مجزفً رقـمٍ وآحـدَ
    انا عكسكٍ تقليديهٍ لـأبعد حدٍ مَ احب اجازفٍ لو ايشٍ
    يعني شيً جديدٍ وَ ما قد جربوه اهليً
    اصير انا محط التجربهٍ لـآ وَ الللللللللللهٍ ض1

    او يمكنً تمسه انت حب استطلاعً
    أو بـِ الاحرى لقافهٍ 😀

    المهمممٍ طول عمريً متحمسه لجوز الهندً
    بسٍ كَ شراب لـآ
    اذا ينوكل ايهٍ بجربً ؛P ق1 بسٍ شراب لـآ . . احسٍ صالله يكرم النعمهٍ بسً

    * لـآ تنسىً تحذف التعليق الأولٍ
    مع الحماسٍ الظاهرٍ ض1

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s