حملة لتكن اخصائيًا..جامعة الملك سعود ..,ا

الحمله كاانت قبل إجازة الربيع بإسبووع ..في كلية العلوم التطبيقيه ..استفدت كثيرًا منها ع الرغم من الصعوبات التي واجهتها للوصول لكلية العلوم التطبيقيه ..كان ذهاابي لوحدي كان ربما قرار ليس بيدي ..فلم اجد من يرافقني .. في الذهااب..ذهبت مع اخي ..طالب في السنه التحضيريه وهي بعيده كل البعد عن كلية العلوم التطبيقيه   ..فتوجب ع اخي إنزالي عند مركز الجاامعه..والذهاب بالسياره الى التحضيريه كان لديه إختباار ..كلانا لا يعلم اين هي كلية العلوم التطبيقيه .. 😦 .. رآح لإختباره ..فكان هناكـ إتفاق ع ان نتقابل في تمام الساعه 12 ..في المكان نفسه ..,ا

نبدأ بسم الله ..في رحلتنا .. 🙂 << ابن بطوطه

كان الطريق الى الجامعه طوويل .. =_=” ..كأنه سفر ..

عند وصولي ..وذهااب آخي ..من هنا دخلت للجااامعه فكان منظر المبااني والإعماار مدهش جدًا ..حتى آن وقفت في نص الشاارع آشوف وش يسوون الراافعه هذي وش تشيل  ..شوي اسمع صوت بوري سيااره خخخ فآدركت آني وااقف بنص شاارع والحمدلله مآ جاا احد متهور وطيرني فوق عندهم ..

اول مره آشووف هالشي ع الطبيعه ..فخلاااني آفهي فيه ..رآآفعه حقيقيه وتتحركـ ..في العااده آشوفها ع قناة نشنال جغرافيك ابو ظبي ..فبعد ما كحلت عيني منها   وطفششت منها ولفحتني الشمس في وجهي وطآآح عقالي وجاني شد عضلي في الرقبه ..مشيت ودخلت الجامعه هالمكان كان عند مواقف سيارات ..عند المدخل والمخرج لكلية الطب..ا

الجامعه ماشاء الله ..شغل نظييف ..حتى الارصفه ينظفونها ..ماشاء الله ..اتمنى لهم الافضل بإذن الله ..سألت الهندي اللي ينظف ..عن كلية العلوم التطبيقيه ..فما كان يعرف عربي ..كل ما اقله شي يهز رآآسه مافي معلوم ..نو عربيكـ ..فشسمه حاولت بالانقليزي ..وحولت القاموس حقي انقليزي.. اتذكر كلماات واجمع من هنا وهنا ..فالاخير يعني شسمه قلت له..ينفيرستي كنق سااود ..يو نااو شسمه كليه علوم تطبيق يو نااو ؟؟..اوكيه..يو كان تل مي وير از شسمه كليه علوم تطبيق ..مآآفهم علي ..وهز رآآسه ..وكملت طريقي .. 😦 ادركت بعدهآ آني يعني يبغاالي شوي آنقليزي ..إن شااء الله رآآح امسكـ مشروع ترجمه وآرجع اللغه ..x”D

المكان يشرح النفس ..يعني حتى ولو آني ضاايع وكذآ إالا آني ..مستاانس مكان مرتب ونظيف وفيه من الزهور ألوان وآشكااال ..جميله هالجاامعه ..اللي لونها بنفسج.. اووكيه مايمديني ع اللون ..اكيد مهجنه..وش مغير لونها ..

ودخلت هنا كلية الطب ..لأني لقيتها مبااشره اماامي فتوقعتها المكاان اللي فيه حملة لتكن اخصائي ..هذا اخوي ماشاء الله عليه مايمريني بأي مكان ويمشي ..اكيد انه عارف انها هناا ..ماشاء الله عليه بوعاابد يدل داايم ..جلست في الجلسه هذي ..وقرأت جريده حقت الجاامعه ومللت ونا انتظرهم يجوون وآشوف وش عندهم ..من الدلاآآخه اللي فيني ما سألت احد ..فقلت يمكن هنااكـ مكاانهم في الدااخل ..

وجيت هناا بعد مادفيت باب زجاجي بالقوه اندف >_>” حتى ما بغيت اكسره  ..هو دفع للداخل لكنه ذآآ عكس ع مااظن والحمدلله عدت ع خير ودخلت وكاان بالدااخل في جلسات والجو رااايق جدًا ..

ولا بعد ممنوع التشفيط .. ..هذآ آحسن مكاان لإنتظار مابين يبدأون ويجون لاني جآآي بدري ..السااعه 7 ..وبالقرب من د.كيف ..الكراسي تبعهم ..خخخ جلست فيها ..وطبعًا ماشريت شي لاني لا زلت متمسك برأيي وبمبادئ ” لاتكن سبيكه فيلهطون فلوسك النشامى” ..تجآآهـ داانكن ود.كيف وطقتهآآ ..اولا ..ماحب آشرب شي مظهر لان آكره المظااهر من الصميم ..ولا احب شغل المزاجيه ..والسبب الرئيسي ماني مستعد آدفع 18 رياال ع كووب لا يتجاوز محتوآآهـ عن 333 مل ..18 رياال هذي اشتري فيها فطوور ..او وجبه كاامله ..لاآآآآآ لا ..فطور وغدااء بعد  ..لذآ الحمدلله آن عقلي بمحله الصحيح ..,ا

لكن تفجأة بشي لم يكن بالحسباان ..طلعت بمكاان عواايل ..والله ..كذآ فجأه دخلوا مجموعة حرييم ..فكنت يعني اغض البصر ولا يعني انحااش خخخ وين اصرف عمري تمنيت الارض تبلعني ..و آدور الباب ..خرشووني ..يعني توقعت  ..صرآآآخ ويا اللي ماتستحي ع وجهكـ ..وكذآ ..فشكل الوضع عندهم عآآآدي ..فالحمدلله عدت ع خير ..فالاخير آكشتفت آن يعني الكليه مختلطه ..ونا طالع في واحد دااخل كنت باقله في حريم عيب خخخ ولا صعبه توني طالع قلت بصره ..وفعلاً الكليه مختلطه فما عجبني الوضع وطلعت ..لانه بدأ يدخلون الطلاآآب والترزز ..وسألت واحد عن الحمله فقالي موب هنا في كلية العلوم التطبيقيه ..فعرفت آني في الكليه الخطأ .. =_=” ولا بعد مختلطه ..طيب آكتبوا عند الباب علمونا يعني ..وآآحد ماقد شآآف غير وجه امه واخته وجدته ع الطبيعه ويتفاجئ بشسمه بعد ع الطبيعه .. 

طلعت بعدهآ واخذت مليون دوره ع الكليه آدور وين كلية العلوم التطبيقيه ..تعبت وجلست فكان حولي كله مبااني تحت الإنشااء..ومافي احد برآآ ..مآآفيه إلا آجااانب كل ما يمر واحد منهم آوزع عليهم ابتسامات ..اتصدق عليهم ..خخخ ..كان اليأس سيد الموقف.. تعبت من الدوران والمشي ..ولا بعد لحاالي ..كانت حالتي مثل العامود اللي طايح ..وكل ما اسأل هندي مايعرف عربي ..حتى فيه طلاآآب مايعرفون..,ا

كان المكااان حول الكليه كللله كراااسي ..الجهه اليمنى كرآآسي ..

والجهه اليسرى كرااسي ..

عجبتني وقفت الباترول خخخ ..صيدليه ..كنت جآلس عندهآآ ..هذي اللي يشتري منها طلاب الجامعه بندول ..

لقيت حل وآآحد أني ألحق هالرجاال وين ما يروح يمكن يروح كلية العلووم بالصدفه ..مايعرف عربي بعد  ..=_=”

وآمشي ورااه ورآآه ..هذآ بصيص الامل ..مأمل فيه ..الهنود اللي قداام كلهم سألتهم  ..حتى واحد منهم رد السلاآآم كاامل وعليكم السلاآم ورحمة الله وبركاته ..واستاانست احسبه يعرف ..آسولف عليه وين ووين ..فالاخير مافي معلوم ..><”

😦 هنا فقدت بصيص آملي …خخخخ ..طلع  تبع مستشفى الملك خالد ..هالمستشفى مادري ليه كذآ رفضت فكرة اني ادخله واسأل ..اول ما فكرت ادخل طلع وااحد شكله عربي ..كذآ شكله فيه شي من تحت عيونه بنفسجي ..>_>” فتجنبت سؤااله ..ولقيت وآآحد جآآلس ومحزن ..وسألته ..هز رآآسه مافي عربي نصااب شكله سعودي ..خخخ بس ماله مزاج يتكلم ..شوي لقيت وآآحد يااهو يخرع بلد منفس  ..شكل نفسيته زفت..ومعااهـ دخاانه ويشفط فيها شفط غير طبيعي حسيت عنده نقص نيكوتين..الله لايبلاانا .فتجنبت سؤاله هو بعد ..لا يشفطني مع الدخآآن .. ..<< ولا بعد كان ينااظرني بنص عين ..

هالمكان مشيت في اكثر من عشر مرآآت ..=_=”

عندهم حماام الحرم ..في الجاامعه ..مادري وش جآآبه ..

كان ودي اسأل البااص هذا وش حقه ..؟ ..لكن ماحد يعرف عربي ..=_=”

كان فيه هالممر بس انه شووي مريب يعني ..

تشجعت ودخلت ولقيته مسدود خخخ ..وزين ما طآآح علي شي ..لان ع الجهه اليمنى مبااني وكذآ من كثر الافلاآآم اللي اشووفها تبدأ الاوهااام ..

هنا لقيت سكيروتي ..والحمدلله واخيرًا ..وعلمني الطريق ..لكن ضعت هنآآكـ بعد ..خخخ

مكااان مرررررريب ..

دخلت في ممرات مثل كذآ ..وضعت اكثر من مره ..لكن المكاان الاول اللي هو عند كلية الطب ..الحمدلله يعني الحين ضعت في مكاان كله مبااني تحت الإنشااء ..

تدوخ هالمبااني ..وإزعاااج الآت ..والعمال يشتغلون ماحد يمي ..

كنت ضآآيع بقووووه ..مافي إلا كذآ يعني لو آني ضاايع مثل اول عند كلية الطب آحسن ..بس هنآآ المكان مادري وش يبي ..والسااعه 9 وقتها يعني من السااعه 7 ونص ونا ادوور وادور هالكليه ..فجأه شفت وآحد لابس لاب كوت الابيض ..ويركض واركض ورآآه خخخ ..بصيص آمل جديد ..آبغى اطلع من المكاان اصلاً ..بعدهآ مادري وين رآآح ..ولا آشووف جزء من كلمة كلية العلوم ..يالله ..بعدهآ تلاشت الافكار ..ليتني نمت ..ليتني ماجيبت ..الحين ضعت بقوه من وين ارجع وين اروح ..ماحد يعرف عربي ..آختفت كلهاآآ ..

من هالممر وصلت .. 🙂 لكلية العلوم التطبيقيه ..

ولقيت الباب مقفل خخخخخخ .. x”D يالله لكن لو مافيه ممر ثاانيه يودي للواجهه آتوقع آني رآآح اتهور وآشوت الباب ..تعبت من الدوراان ..

وهااا هناا وصلت بحمدلله وفضله وجوده وكرمه..بصرآآحه ماحبيت آكلف عليهم لكنهم آصروا إلآ يفرشون هالزوليه الحمراء ..حتى ماحد قالي حياكـ الله ولا احد استقبلني دخلت لحالي تواضعً مني..لاني جآآي تقريبًا بدري ..الساعه 9 ونص ..فيه طلاآآب هم موجودين ..فيحسوبني من طلاآبهم ..لانهم ماكانوا متوقعين طالب ثانوي يجي لحاله خخخ ..في العااده يقولون يجينا مداارس ..وطلاب السنه التحضيريه ..وجااني واحد مشرف كل شوي يسألني انت جآآي لحالك ..وش اسم مدرستكم ..غريبه جاي لحالك ماجاكم إعلان شي..وشلون عرفت بالحمله ..عطآآني هديه خخخ وسجل اسمي في ورقه ..من جد بعدهآآ كذآ بسااعه مداارس يجون مجموعاات والله حسيت آني مقطوع من شجره انا لحالي خخخخ x”D لكن آفضل ..تجيني معلوماات اكثر واوضح يعني ..وصرررريحه ..التخصص فيه وفيه وفيه ..

وقلت بما إن ماحد يمي آشووف الكليه وش فيهآآ ..فكاانت اسياابها طويله ..وتضيع بعد ..واللي كنت مستغرب منه ان ماافيه لا وكيل ولا مرشد خخخ ..او يعني مرآآقب ..مافيه احد فآآضي المكان ..

وكاان المكاان كله مختبراات .. من يوم عرفت المدرسه ماقد سويت ولا تجربه او شفت تجربه وحده ..خخخخ المختبر هذا شي نادر في مجتمعي المدرسي او منبوذ من الوجود .. اشوفه في التلفزيون ..مثل الرافعه حقت نشنال جغرافيك ..خخخ 

..خخخخ  x”D

اول قسم بدأت فيه هو تخصص البصرياات ..لاني دخلت فيهم عرض كذآ اسلم عليهم ..واسئلهم ..كيف التخصص ؟؟ صعب سهل ..ممتع ..من هالاسئله ..تقريبًا مع كل التخصصات نفس الاسئله ..وبعض يعني الاسئله اللي تتعلق في تخصصاتهم ..,ا

افادني في كل شي في المجسمات اللي عنده وعن المويه البيضاء في العين …

وعن العدساات ..وتركيب العين ..وآخذني معه المختبر وسوآ لي فحص لعيوني ..في البدايه سألني عن نظري فقلت له 6 ع 6 ..الحمدلله ..قالي اكثر الناس يقولون كذآ لكن اذا فحصناهم يكتشفون انه اقل ..فرحت معه المختبر ..

وجلست في الكرسي هذا ..فحصت نظري والحمدلله ..طلع 6 ع 6 ..خخخ ويقول اعلى من 6 ع 6 بعد خخخ ..عااد قاالي شسمه غط العين الاولى واتركـ الثانيه ..لكن لا ترص ع الثانيه ..قلت طيب ..فشسمه من حرصي عشاان لا اغش بالعين الثانيه خخخ غطيتها بيدي بقووه ..خخخ ليه اغش نفسي .. ويوم جيت افحص الثانيه اختبر الاشكال اللي هي حرف W متعدد الجهاات ..فااشوف ضباب ع العين الثانيه خخخ لان غطيتها بقوه ..ماشاء الله الاجهزه في المختبر كثييييره ..بعد ما خلصنا يسألني كم سااعه تجلس ع الكمبيوتر وهل تصدع كثير ..خخخ ..قلت له ..كل ما افضى ..بشكل يومي ..والحمدلله مااصدع كثير ..بعدهآآ ..طلب رقمي ..فشسمه ماا كنت حاافظه وقتهاآآ ..يقول عشان عندهم اجهزه متطوره ..ااذا صاار فيه مجال نتصل عليك تجي نفحصك ..>_>” ايه طيب فاار تجارب عندكم   …هذي عيوني ..انسجه مافيها لعب ..نسيج واحد يروح يطفي النور ..

حقين الاسنان ..او الشمع ..خخخ ..شغلهم ماشاء الله ..جيد ..ومختبارتهم بعد جدًا ممتازه ..بعد عندهم يكملون الاعضااء النااقض من اصبع ..خشم ..تركبية اسنان ..يسوونها بالشمع ..x”D

وهذي الادوات ..حقتهم …وتركيبات الاسنان هم اللي مسوينها ..الصوره اللي قبل هذي فيها اعماالهم ..

مختبرهم ..لهم آكثر من مختبر ..

هذا ..تخصص اخصاائي تغذيه .. عنده تونه وخضاار ..

هذي كلها مطويات عن التخصصات اللي في الحمله ..ومعلوماات آكثر ..آخر تخصص شفته هو المختبرات ..طبعًا خلاآآص وقتهآآ منهكـ من المعلومااات والمشي ..بالنسبه لي التخصص اللي اشوفه مناسب يعني وعجبني آكثر هو اخصاائي علاآج طبيعي ..بأقساامه الاربعه ..طبعًا ..فيه كثير عطووني اسمائهم وارقاامهم ..اذا احتجت معلومات زياده عن التخصص او شي صعب عليك اتصل علينا ورآآح نفيدكـ بإذن الله ..ماا قصروا بصرآآحه آكثرهم ..عطووني خلاآآصة الخمس او الاربع سنواات اللي درسوهآآ ..

هذي هديه من اخصائيين الاشعه خخخ..هذولا تقريبًا قعدت عندهم نص سااعه ..لانهم كانوا ماشاء الله مجموعه وكل واحد متحمس يشرح الاشعه المغناطيسيه والرنين والصوتيه ..وشرحوا لي الاجهزه..كل اشعه لها جهااز ..

الخط هنااآآ ..ههههههههههههه تعقدت عشاان آفهم ان مكتووب King saud university ..<<< يرقع لنفسه يبي يعلمكم انه يعرف انقليزي لابس الخط هو اللي مخرب الكيس ولا هو كشخه عطاانيااهـ وااحد من العلاآج الطبيعي كذآ جآآ صاافحني وعطاانيااهـ شآفني مقطوع من شجره لحالي آشفق علي ..خخخ x”D

x”D لقيت بداخله كوب ..يالله زين .. حااوي جديد للاقلاآآم ..عندي كوبين ع المكتب كلها اقلاآآم ..,ا

كانت رحله ممتعه ومليئه بالمعلومات ..واستفدت كثيرًا منها ..وتشرفت بمعرفة ناس كثر ..ولقاء نااس ايضًا من تويتر ومعرفتهم عن قرب :)..,ا x”D

وايضًا ..زيارة جامعه عالميه مثل جامعة الملك سعوود ..وهي الان في مرآآحل تطور كبيره..بالاخص تلك المباني الجديده ..

تمت ..

Advertisements
بواسطة فيصل