معرض الكتاب الدولي بالرياض ll< 1432

معرض الكتاب الدولي بالرياض

هممم خلونا نتأمل في كلمة دولي تتوقعون ان المعرض لهذي السنه كان يعني فعلاً يستحق ان يكون دولي كان يستحق ان يكون واجهه مشرفه لثقافتنا وتعالمينا الاسلاآآميه ..,ا

المعرض كما هو كل سنه فقط هناك كتب جديده و اوجه جديده والباقي لا جديد المكان نفسه والزحمه نفسها والترتيب والتنظيم نفسه ..توقعت هالسنه موقع جديد واتسااع اكثر ..آجهزه اكثر ..لكن المكان ليس مهيئ ابدًا ومثل ما شفنا في آخر يوم يوم الجمعه جآآ مطر وآكثر الكتب تلفت بسبب الماء ..,ا

طبعًا ..ناااهيكم عن الاحداااث الآخرى ..والفوضى التي حدثت هنااك ..,ا

وفيه شي ملاحظ آني كل ما مشيت مساافه آحس آني آكل مطب خخخ حتى اسمع صوت ..فيعني ما شاء الله فتحات التصريف ” المجاري” اللي تحت الفرش كثيره ..مادري هل كاان هناك اعتبار مما حدث في جده ..,ا

لكن اتمنى السنه القادمه يكون هناااك معرض فعلاً يستحق ان يكون دولي ويكون واجهه طيبه وجميله لنا واجهه لديننا الاسلاآآمي الحنيف ..ومحتوى يعني آجمل وآنسب لكوننا مسلمين ..محتوى مناسب للجميع وليس 18 + وفقط ..,ا

ومن هنا رآآح ابدأ تقريري لمعرض الكتااب..وتبًا لمكتبة العبيكان من الآن آقولها ..

ذهبت بصحبة عمي وعزيز ..تحركنا في تمام الساعه التااسعه ..وكان واحد مواصل عشاان لا نسحب علييه خخخخ مسكين ..طبعًا ما استغربته فعلا .. هو الاكل و الشرب اثنااء قيادة السيااره .. كنت مستقبح هالشي من اخوي وكنت يعني دائمًا ..يقولي  ” ياخي ما استمتع بالاكل إلا ونا آسووق ” .. لكن انصدمت يوم اكتشفت آن عمي يآكل ويسوق .. يعني قلت هذا اللي بيأكلنا تريله مع الصبح ..فكان يعني ماشاء الله ياكل ويشرب ويسووق بكل احتراافيه ..والقير عادي يعني ماشاء الله ..فافطرنا سندويشات وعصير ربيع ..وفيه واحد ما كمل فطوره خخخ لانه مواصل ..وكان هناك نقاش فيما يخص الدائري وهالردميه اللي ع اليسار وليه مايحطون قطار والى ان وصلنا ..,ا

وبحمدلله وبفضله وبرحمه من الله وصلنا بالسلاآآمه ..انتظرنا شوي في السياره لأن كان فيه زحمه عند المدخل ..

وهذآ .. درجهم اللي ماله سنع ..خخخ ..في النزول رهيب ..

وهذا من الداخل ..ما صورت كثير لان يعني المكاان مزدحم ومختلط يعني فما كان له داعي اصور ..

المعرض السنه هذي من ناحية التقنيه والالكترونيات لا بآآس فيه ..يعني نزل تطبيق للآيفون لمعرض الكتاب ..وايضًا البحث في الكمبيوترات الموجوده والمغبره خخخ كان سهل جدًا وبنتيجه بخلاآف السنه الماضيه ..لكنها كانت يعني قليله نوعًا ما ..يعني الجهاز الواحد ألقى عنده طابور ..ا

وهذا التلفزيون السعودي ع مااظن ومن هنااا يعني توقفت عن التصوير .. صرااحه جاائني شعور الغبنه اشوف الناس معهم كاميرات احترافيه ونا بشسمه يعني الله يرزقنا بس..خخخ

اما عن حصيلتي من الكتب هالسنه يعني عندي اكتفاء ذاتي من الكتب عندي كتب بااقي ما اكملتها فما يحتااج اجيب مجموعه جديده لذآ اكتفيت بـ كُتيبين ..من العبيكان =_= ..وكل سنه زحمه عند المحاسب يعني ودي آعرف متى يفهمون ويعني يحطون عشرين محاسب ويفكونا من هالزحمه ..وبعدين عندهم محااسبين درووج دروج والله هذي المره الثانيه اللي احااسب فيها وارجع السنه الماضيه مشكله مشابهه للي صارت هالسنه ..شريت كُتيب بسعر مخفض بـ 12 ريال واعطيته 15 ريال .. يقولي مافيه صرف ريالات وتو واحد قداامي معطيه مجموعة ريالات يعني معقوله ما عنده 3 ريال ورجعني وآنشب له ..ودبرت رياال من عند عزيز يعني طلعت من الزحمه ودخلت مره ثانيه خخخ وعطيته ريالاين وعشره =_= وجآ الدلخ عزيز عطاني كتاب بـ 11 ريال خخخخ وما عندنا ريالات..عطيت المحاسب  الخمس ريال خلاص ما ابغى الباقي يقول لا ..يا ابن الناس خلاآآص ما ابغى بااقي ..>> طبعًا ماهو بطره فيني ..يعني طفشني ..شوي جآآ واحد الله يجزااه خير وتكفل بريالي دفعه عني وشكرته يعني وحلفت عليه إلا ارجعه خخخ ومشى الله يستر عليه ..فيعني لابد من الاحرااج كل سنه عند العبيكان ولا بعد زحمه مختلطه عند المحاسب يعني ماتدري من تدف من تسطر اللي يسقط عليك حوسه خخخ ..حتى كان فيه كم كتاب اعجبني هناك ولا شريته بسبب الزحمه عن المحاسب ..بس تصدقون آني يعني قبل ما احااسب ماكنت اعرف سعر الكتاب ..وكان واحد يحاسب قبلي وكان ناقصه ريال ..فكنت كذآ ع وشك اني ادفع عنه الرياال شوي لقى ريال ..و ع نياتكم ترزقون ..وصار لي نفس المشكله وجآآ واحد ودفع الريال عني الله يجزآآه خير فهي ابلغ في الشكر له..,ا

كله للأجل هذا الكتاب ..للاجل د.علي العمري ..وليس لاجل مكتبة العبيكان =_= ..هذا الانسان راائع مذكرات سائح ..ورئيس منظمة فور شباب ..هذا الكُتيب جدًا جميل ومحتواهـ آجمل ..الى الان ما بدأت بقراءته بتمعن ..,ا

بدأت في هذا الكتاب الجميل ..للرائع ..أ.د.عبدالكريم بكار ..لو تلاحظون في اعلى المدونه في الهيدر تلقونه موجود ع المكتب حقي خخخع يمين الكوب الاسود ..لكن الكتااب ممتاز جدا جدا ..دار نشر وجوه ..والاسلام اليوم ..ماشاء الله ما كأنه كتاب بـ 15 ريال ..الصفحات والخط تحمس للقراءه ..واحسن مافي كتب أ.د.عبدالكريم بكار يعني تجي مسعره ..اسعارها مكتوب ع الغلاآآف الخارجي هههه آفضل لكن الغريب هالكُتيب ماعليه شي o_O ..ا

وش تتوقعون جنسية هذا الشخص ..؟؟ ..عني توقعته سوداني ..مادري شلون لكن طلع هندي ..لان الدوله المستضيف هي الهند السنه هذي .. من الدول المفضله عندي ..لكن الغريب بس لاحظت عندهم يعني فقط في البيئه والمناظر الخلااابه والغابات في الهند..يعني وين رآآح امير خان ..وشاروخان ..وباقي الممثلين الهنود ..يعني الهند معروفه بالافلاام السنمائيه الطويله تعدت التايتنك ..يمكن عشان كآجول ..والمحتسبين ..لالالا خخخ ..مادري يمكن هو الشي البارز عندهم مع انهم يعني مبرمجين موب سهلين ترآ الهنود ..الهندي حق البقاله حقنا يعرف يهكر ..>> بدآ ينصب خخخ..,ا

كتاب لبرنامج الافتر آفكت ..يالله -_- الى الآن مقهور ما شريته ..لكني ترددت لانه كان سعر شوي غآلي بـ 65 ريال ..ع مااظن ..فا استكثرتها ..وهو صدق يعني كثيره ..والكتاب لبرنامج صحيح انه يعني جيد ..لكن رآآح تفكيري اني رآآح ألقى نسخه الكترونيه منه في النت ..وشروحات اللي في النت تغنيني عنه الان مادري ليه صرت آرغب فيه بشده لأن آغلب الشروحات المتوفره للبرنامج غير جيده ولم آجد النسخه الالكترونيه آتوقع غرق من امطار يوم الجمعه..,ا

مجموعة كتب جيده ..لعشاق البرمجه والحاسب بشكل عاام ..,ا

هذا الكتاب اللي صدق الواحد يتحسف مايشتريه ..صرآآحه كنت بآشتريه واطلع ع الثقافه السودانيه ..الابتسامه الجميله لـ الطيب محمد الطيب تزيد الكتاب عبقًا وجمالاً ..دوباي وذاكرة قريه كتب بإذن اذا وجدتها مره آخرى سأعزم ع شرائها دون تردد ..,ا

هذي الورقه واحد لقينااه في كشك مادري وشو وزع علينا ورق ..يقول ادخلوا ع صفحتنا في الفيس بوك زيدوا عدد المشاهدين مادري مافهمت ماعندي شسمه فيس بوك ..سلكنا له ..إيه ان شااء الله ..خخخ

لكن يعني عن فلم ابن بطوطه ..دام فيه نشنال جوغرافيك فإنه آكيد قووي الفلم ..طبعًا لاحد يدقق في الصامولي والتوكس ..مالقيت للفلم رابط تورنت ..قصدي يعني مالقيته في النت ..بس إعلاانات عنه ..,ا

وانتهى اليوم ووصلنا ولقينا سندويش الشكشوكه حق عزيٌز مسوي ازمه في السياره خخخ ..,ا

تمت ..

Advertisements
بواسطة فيصل