نُوْرِكـ طَفَى الكَهْربَااااا ..o_O”

في البدايه احب اذكر سبب انقطاعي الغير متوقع يعني شسمه ذا وش وش اسوي ..

تأخرت كم يوم قصدي اسبوع عشان كان فيه مشاكل في الحي انقطاع يوم بعد يوم للكهرب ..

لكن لعل في الامر خيره ان شااء الله ..لكن الانقطاع كان يومين ..

طبعا ماحد يستغني عن الكهرباء ..والحمدلله ان الكهرب اذا انقطع ماتنقطع المويه بعد ..

<< كان رحنا فيها ..

يعني صحيح استغربت لان فاتورة الكهرب والماء تجي في ورقه وحده ..

بدايةً انقطع الكهرب وانا قااعد اترووش وتوي صاحي من النوم قمت من الحر ..

لان الوالده خلااص جت وهي اللي تقفل المكيف علي دائمًا ..قبل اذان المغرب يمكن بنصف سااعه ..

ووقتها كنت ادور ع الشامبو فتذكرت انه في الغرفه مارجعته بااقي خخخ ..مشكله التسويف ..

فانطفى الكهرب ..ونا اتروش صرااحه خفت يكون اختطاف من قبل اخواننا الجن ..

لكن تخلصت من التفكير السلبي ..

يعني كان فيه اضائه من جهة الدريشه حتى خفيفه لان قبل الاذآن بشووي ..فالحمدلله تداركت الوضع ..

وطلعت ونا مكدش مامشطت شعري واول ماطلعت أذن الله أكبر ..ولا زلقت ابد مره حتى وماعورني ظهري ..

كان البيت ظلاآآم طبعًا تعرفون اي هااوي تصوير لازم يكون عنده مصادر إضائه ..

ولقيت الكشاف حقي اللي كان اول مصدر اضائه اتعامل معه ..رحت اشيك ع الاهل ..

لا يكون راح وخلوني .. انا نور البيت ..

ولقيتهم كل واحد بشمعته والافطاار صرااحه الله يجزاهم خير شركة الكهرب ..شيي شيي

يعني وفروا لنا جو رومنسي جدا شموع وحركات بس لو يعني بقوا شوي كهرب للمكيف او المروحه ..

افطرنا فطورنا الاول ..في الظلاآآم والفطور الثاني اجلنااه الى ان اشتغلت الكهرباء ..

حنا من الناس اللي عندهم الفطور ع شوطين خلصنا الشوط الاول ..

الللي هو بالعاد التمر بأنواعه وقرصان وقهوه ولبن وماء وقشطه اشياء محصوره كهذه ..

نصلي المغرب ونرجع للشوط الثاني وهو الفمتو والسمبوسه واللقيمات كل مالذآ وطآآب ..

هو وقت يعني المسلسلات ناكل ونطالع ..

فيه نااس دعسه وحده او شوط واحد ..احسها موب منصفه يعني لو شوطين حلوه جربوا ماراح تخسرون ..

اول ساعتين كان الجو يعني موب ذاك الحر لان البيت كله سراميك وكان يحتفظ بشويت بروده ..

بعدها بدأ الحر الفعلي ..وبدأت اشتغل اهووي الوالده بالمجله هي واخوي الصغنون الله يرزقني برها ..

فكانت نايمه وانا شغاال بكل إخلاآآص وقاعد افكر واتأمل يعني حالنا بدون كهرب ..

اول كنا متفرقين بعدين تجمعنا في مكان واحد الوالده تقول زمان كنا كذآ دائمًا نتجمع ع ضوء بسيط ..

صرآآحه كانت جمعه حلووه مع اننا دائمًا نتجمع لكن كانت هي الاحلى لاني كنت مسوي فلم رعب للكل ..

لكن في الاخير تهزئت واكلت سمبوسه وسكت ..بس هبلت فيهم في الظلام ..

طلعت اصلي العشاء صليت التروايح والله استانست في المسجد المكيفات والدنيا ..توقعت اني ارجع القاه شغال

بااقي طاافي والحر اشد من اول ..لكن موب ذااك الحر  ..ورحت للبقاله لأننا ماافطرنا الفطور الثاني…

فجوعان بااقي دخلت البقاله ولقيتهم حاطين في كل زاويه شمعه يعني الاجواء الرمنسيه في كل مكان لاحقتني لاحقتني ..

شريت كاكاولا باارد .. استانست يوم لقيته بارد لانه في الثلاجه وبافي محتفظ بالبروده ..

بردت ع رووحي شووي وشريت للاهل مويه باارده ..

والحلى صاار طحين والسمبوسه اغغغغ ماتهنيت في الفطوور ..وبعدها اشتغل الكهرب كل واحد راح يتروش إلا انا ..

خلاااص طفشت كل شووي اترووش رحت مع اخوي البطحااء نغير جو احب هالبطحاء حب عجيب حنا ناس غريبين يعني اكثر الشباب..

اللي في التحليه العليا حنا ع البطحاء تبطحي ..والله هنااك احس اني برآآ المملكه والله حلووه كل شي فيها رخييييص ..

روحتنا كلها عشان نشتري اشرطه جديده ..حتى اشرطة البلايستيشن اشتريها من هنااك بربع قيمتها ..

اسوووي صفقات تجاريه هنااك .. ومنها هناآآك دائمًا امر من عند محل الكامرات مااتجرأ ادخل ماادري ليه ..

هنا نيودلهي قصدي البطحاء شي شي احس اني برآآ المملكه انا ع جسر المشااه ..

<< ترآ ماقد طلع برآآ المملكه .. عشان كذآ فآآهم الجو غلط ..

طبعًا ع هالجسر يبيعون ارقام موبايلي وسوا ع عشره ريال وعشرين وتقعد 6 شهور ..

بس يبيعونها كأنهم يبيعون مخدرات .. اذا شفت واحد فوق الجسر يتلفت يمين ويسار اعرف انه يبيع ..

وشريت اشيااء للعيد وسااعه وحركتات ..

يقالي تصوير بوكيه ..

بوكي بوكي .. مادري ليه تجيب النوم هالصوره ..

ان شاء الله يكون لنا تدوين يومي مع هالمدونه بعد ما شسمه ذا عقلت آخر مره وتأدبت سوويت بلاآآوي ونقلت وتعبت ..

خلاآآص شسمه ذاا التوبه ..ماعااد اروح ادور غير وورد برس جربت كل المدونات وخصائصها ..

بلوقر انذل مدونه في الكون كله ..بعد وورد برس طبعًا ..

:::

Advertisements
بواسطة فيصل

7 تعليقات على “نُوْرِكـ طَفَى الكَهْربَااااا ..o_O”

  1. يَ اهلاً وسهلاً
    مآإ تحسسس أنك طولت =/ ,
    ع العموم اممممم
    اي كل عآإم وانت بخير
    وعسآإك من عوآإده ”

    وشسمه ذا ترى موب بس انتوآإ اللي طفى عندكم الكهربآإ خ خ خ
    حتى أحنآإ أووف كآإن جو رومآإنسسسي اقوى شي هع
    بس والله شكلك مآإ استغليت الفرصه بمآإ انو الكهرب طآإفي وهيكآإ بإمكآإنك تستغل الفرصه
    شوف شوف بس شنو سوينآإ أنآإ وخوآإتي هع
    أنسخ الرآإبط وألصقه بمكآإن الرروآإبط =d



    شوووف بس كيف صاير الابدآإع هوووع
    أمممم حبيت أسألك شنو نوع كآإمك ؟!!
    أنآإ كآإنون شبه احترآإفي وتصويرهآإ حلو لكن أنآإ مآعرفت اتعآإمل معاهآإ كوويس =/
    يَ للآإ بالتوفيق ،
    وننتظرك بتدوينه أخرى (f) ~

    ودي / ميرو |

    • ههههههههه شوووي بسس ..
      وانتي بخير وصحه وعاافيه ..
      بالعكس اسغليت الوقت اسغلال غير طبيعي ..
      بس دائمًا اتحفظ ع بعض الصور ..XD
      لكن في تدوينه ان شاء الله رااح انزل بعض االلي شسمه صوورته في الظلام ..
      ااهاا عرفتها .. كنت باشتري مثله بس بطلت ..من ألونها البني ع ماظن ..
      في البدايه حاولي مع موود التصوير مثلا صور اللي قبل شوي ..
      كانت تحتاج الى مود المنظر وخفظ حساسية الضوء في الكام ..
      فيه امواد كثيره مود صور البرورتريه مود المنظر مود لقطه سرريعه ..
      ومعالجة الصور لها دور كبير دائمًا وكل المصورين يعالجون صورهم ..
      الكام اللي معي جوآآل XD .. بس موب اي جوال انا اعتبرها كاميرآ اخترافيه ..
      التصوير لا يكمن في الكاميرا نفسها انا اوفر الاشياء اللي تحتاجها الكاميرا ..
      لذآ الحمدلله اطلع بنتائجا حلووه ..مثلا الاضائه عامل مهم في التصوير ..
      قريبًا رااح اشتري الاحترافيه ..قرررررريبًا ..لكن استنى شوي شوي ..
      حتى تنزل الاسعآآر ماودي اصرف كل اللي جمعته =( ..ههههههه
      واوقات ابطل احس ان التصوير هوايه بسيطه موب لازم اتعمق فيه ..

      حيآآكـ الله اختي ميروو ..^___^

  2. اي صح بعد عندي تعليق =$
    تصويرك حق البوكيه
    مررررآإ جنآإن بالعكس اذا كنت تعرف لِ هآلشي تراه مرآإ بطل ورووعه
    أنا أسويها كمآإن ترى بالعكس تستخدم كمآإن في التصاميم وهيكآإ
    يعني سويهآإ بالعكس لا تجيب النوم ولا شيآإت
    تحمس بس وسويها انا اجي عن اي نورو اهز الكآإم بحركة سريعه لما تلقط الصورة وتلطع لي نفس حقاتك
    ترى جد ممتعه ورووووعه
    وبالتوفيق مرآإ ثثانية

    ودي وإحترامي ~

    • اهاااااا ..اايه هي لقطه مهتزهـ ..
      اذكر صورت فتره كثير مثل كذآ ..
      احياان تطلع اشكال حلوووه ..XD
      ههههههه حمستيني ..

      اشكركـ ع تعقبكـ الراائع ..
      كوني بالقرب دائمًا .. = )

  3. هههههههه يووهـ وربي حـاسه بشعوركم =(
    شكل الكهرباآ بالرياض تطفى بالدوور والا ؟

    احنا قبل اقل من شهر طفت طفيه بنت كـلب صرااحه !
    يا انّه العايله تدهورت الله لا يعذبنا =(
    من الساعه 6 الفجر الى 5 العصر . .

    بس احنا طبعا بسم الله علينا من الساعه 12 ونص انتقلنا لبيت عمتي ههههه لأنه حيهم ما طفى عليه =(
    الصرآآحه الحر عذااب والله !
    ابوي كسّر التلفون وهو يتصل عليهم يقول لهم متى بتفتح واما المسجد حـاله شاذهـ ما طفى ابد ههه XD

    عاد بعض الناس ماخافوآآ الا على لحمهم ودجاجهم يمووع بالفريزر هع هع < ما تقصد احد هههه بس انا لو بمكانك كان جلست اصيح بالحمام واطلع لهم كلّي شامبوو هههه XD
    وماشاء الله الاجواء خيـال بالشموع + الفطور < خخخخـ

    والله عاد ودّي ازور نيودلهي ^^
    ذبحنا سواقنا كـل جمعه لازم له عطله بالبطحـاا , شكلي بقووله يوديني معه هع هع

    وعاد لا تعيد هالقطيعه مرّهـ ثانيه . .
    بحفظ الرحمن

    • يا هلاً وسهلاً ..
      ههههههههههههههههههه
      اوما تركتوا بيتكم ..XD
      حنا المشكله عمي في الدور اللي فوق ..هههههههه
      حنا انطفى اكثر من مره يومين يطفي ويشتغل ..
      والله كنت باتصل واقلهم ياتطفونه مره ولا تشغلونه زي العالم ..
      انا اتصلت قالوا نص ساعه ..وطلعت النص ساعه بأربع ساعات عندهم ..
      يموع ههههههههههههههههههههههههههههه حنا نباتيين ..XD
      ههههه اوما اصيح هههههههه وووش تحسييين به ..خخخخ
      واللهي شي شي هالبطحاء ..XD
      ان شااء الله ..

      حيآآآكـ الله اختي موووش ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s