انسآآآن دكتوري .,,.

السلام عليكم ورحمة الله وبركآآتهـ ..<< اصم الله علي ..

اسعد الله اوقاتكم بالذكر والطاعات ..


العنوآن دكتوري يختلف كليًا عن مصطلح دكتاتوري .. لذآ ارجوا منكم إخوتي عدم الخلط بينهما ,,,

طبعًا دكتوري .. مصطلح كذآ يُـقال للشخص اللي مايحب المستشفى ويعالج نفسه بنفسه ..ونا انسان صرت دكتوري ..

<< اطلع برآآ  انت ومصطلحاتكـ ..

طبعًا مرت ثلاثه ايام بالياليها متعبه جدا ..والحمدلله الان مثل الحصاان .. بس شوي مزكم ..

الحمدلله رااحت الاعرااض المتعبه اللي هي السخونه والكحه ولوز الحلق ..

السخونه .. ارتفاع حرارة الانسان البشري وتحدث هلوسه هستيريه تعصف بالانسان البشري يمنه ويسره حتى لايعلم يمينه عن شماله ويمكن انا يرى ما لا يراااه الانسان البشري السليم ..<< اطلع برآآآ

شسمه فبعد ما شخصت حالتي كإنساان دكتوري .. اكتشفت انه المكيف ..لأن كنت معرض له في اكثر من ثلاث حالات ..

الاولى .. صلاة الفجر تروشت ورحت للمسجد فاللاسف المكيفات في بعض المساجد ضررها اقرب من نفعها ..

وودي اعرف الخبل ذا اللي ينزل المكيف اللي اذى المصلين واذااني معهم هو بيصلي ولا بينام عشان ينزل المكيف ..

الحين صرت كل ماادخل المسجد اروح ارفع المكيف .. هو شاايب تراا في الصف الاول دايم هو اللي ينزلها ودي اعضه مع جبهته . عشان لا يتعودها .. لكن المساجد الحمدلله كثيره ..

الثانيه .. طبعًا الاجوااء في الريااض قليلاً حاره يعني موب تلك الحراره ..

فالمشكله ان بالخارج يكون الجو حار ودااخل المنازل يكون بااارد فيكون هناآآك تصادم بين البارد والحار ..

عندما يأتي االانسان البشري من الخارج كل ماعليه هو الانتظار دقيقه اواثنتين حتى يبرد قليلاً ثم يبادر بالدخول الى الصاله ^^”..

اما اذا كان هناكـ انسان بشري خبل ويسوي حركات الابتدائيه واول مايدخل يروح للمكيف ويبرد ع رووحه فهذا معرض للمرض ..

الثالثه ..عندما يكون هناكـ انسان بشري دلخ مايعرف للمكيف وتوه مركب اسبليت وهو حده مكيف صحراوي ..

فيضبط إعدادات التكييف ع 16 درجه ..وهي اعلى درجه في التكييف ..مع العلم ان اقل درجه 31 ع ماظن ..

وهو غير مدرك انها الاعلى تبريدًا يحسب اقل شي 16 درجه ..ولا من زود الطباايع لابس برمودا بعد ..

فبعد سويعات بدأت الاعراض بالظهور زكام ثم كحه ثم سخونه ثم لوز ..مادري كذآ الترتيب لكنها اجتمعت في اليوم الثاني من المرض وافترقت في اليوم الثالث الحمدلله جعلهم مايجتمعون ابد ..

لكن عندما يظهر شي جديد في اليوم الثالث ويزيد الطين بله ..هذا اللي مااتفقنا عليه خخخ …

الحساسيه .. فيه انسان بشري عنده حساسيه مزمنه وفيه انسان بشري عنده حساسيه مؤقته ..وفيه انسان بشري عنده حساسيه تستهبل تجيه مرات ومراات ..مع انها كانت عذرًا جيد جدًا للتغيب عن المدرسه .. الان مع عمليات التعتيق اللي صايره في البيت جاء وقت البويه ماشوف إلا براميل طالعه ونازله وريحه تسبب جلطه في المخيخ ..

وعطآآآس ع كيف كيفكم …حتى حسبتها كل خمس دقايق اربع عطسآآت ..

واذكر مره قرأت ايميل عن العطآآس القوي ان اللي شسمه يعطس بقوه تطق فقره من العمود الفقري وتسبب كسر في الظهر او شلل .كلها كلام فاااضي .. هذااني مافيني شي جربت انوااع الطعسات عطسه هنديه هآآآستوووه ..اس كلاآآم ..افغانيه امريكيه اوروبيه..حتى اختي الصغيره استانست كل شووي اعطيها عطسه بشكل مختلف ..خخخ والله  ذآ البزرآن يونسون الواحد بالضحكـ ..

لكل داء في هذا الزمان مايسطابُ به … إلا دلاختي اعيت من يداويها ..

نأتي للدواء .. هممم الشفااء من الله عزوجل ..

هذي الحبوب اللي نفعت معي والحمدلله ..جربت قبلها كذآ حبوب ولا نفعت بالعكس يمكن زادتني ..

وجاابت لي النووم … مثل علاآآج المشروب هذا حق االاطفال جربته نفع معي في السخونه بس يانمت نووووم ..

نمت الفطور قمت السحور . .المشكله ماقدر اكل براحتي لانه حلقي مره منتهي ..يعني قبل امس كنت بخربها وافطر ..

بس نمت وقمت الفطور ..لاني ماتسحرت زين ..

كنت احسبها حلاوو ولا بندول بالحبحب .. وخلصت نص الكرتون  باقي بس 10 حبات ..نخلصها المره الجايه خخخخ

والحمدلله مانيب من الناس اللي مره مدمنين ع هالحبوب بشكل دائم .. في ناس خلاااص عوره رااسه ..

جيبوا لي بنادوول او حكه رااسه بنادول صاار خلاااص مايقدر يستغني عن البنادول ..

انا الحمدلله من الناس اللي مايصدعون وان صدعت قعدت اغني ويروح قصدي انشد ولا رااعي مزااج ولا تكييف ..

لكن اوقات االانسان البشري كذآ تجيه مسكات غلط .. قد جربتوا اسكريم حبحب ..والله شييي ..

كأنه حس فيني هالكرتون .. كأنه رق لي فاعتل اشفاقا .. وللنسيم اعتلالُ في اصائله ..

السخونه تطلع المدفون اللي في اعمااق المخيخ  ..


ههههههه والله من زمآآن عنها صارت تكرهني ..ماعااد تجي عندي ..شسمه ذا مانيب رااعي الخرابيط ذي جفا وواصل وطقتها ..

اابشري باللي يسووي لك معصووب عنب .. بطتي تمووت في شي اسمه عنب ..اقطعه لها وأأكلها بيدي ..ياا فديت فص فصه ..

صاار لي اربعه اياام ماشفت بطتي فص فصه .. فطلعت لها السطح وبسم الله الرحمن الرحيم كبرت ..وكأنها فاقدتني ..


حتى ماقدرت امسكها بعد رجولها كبرت ..سبحان الله صحيح الصوره مقززه نوعَا ما ..عندها ثلاث اصابع ..

طبعًا جيت ولقيت المسكينه رقبتها مجروحه وتنزف دم خفيف ..

فعلى طوول بادرنا بالعمليه بالديتول والمنديل .. المشكله مو مثل اول تنمسك بسهول تقااوم وماودي يعني اقسوا عليها

واقطع راسها بالغلط هي رقبتها فيها جرح حتى اللحم طلع وحطيت المنديل في الديتول عشان اعقم الجرح ونبدأ عملية الخيااطه ..

لا تصدقون عااد خخخ بس عقمت الجرح وتركتها وماشاء الله متعاافيه الحين ..

تم إخضااع البطه فص فصه ارضً ..

تووني مصورها ..طلعت اشووف الجرح اليوم وش صار عليه اختفى  الحمدلله ..

:::

الامساكيه الرمضانيه حقتي .. صورتها لكم ..اليوم 8 رمضاان ..يالله الايام تمشي = (

اتحسف ع الثلاثه ايام اللي مضت وماسويت فيها شي ..حتى يوم منها ماطلعت من البيت نهائيًا ..

ان شاء الله اعوض الوقت اللي رااح مني ..

وهذا موقع فيه امساكيات رمضان في جميع المدن والدول في العالم ..يعني للي يحب يطلع مثلي ..

http://www.moshreq.com/imsa/

::::

بالنسبه للواجب مانسيته بإذن الله اقرب وقت رااح احله ..

::::

Advertisements
بواسطة فيصل

16 تعليقات على “انسآآآن دكتوري .,,.

  1. سلامتك الف سلامه..بانادول فلو كتير ظريف لهيك حالات..ولو تكتر سوائل بكون منيح

    • االله يسلمكـ ياارب ..^^”
      اايه صحيح ..السوائل مهمه في اوقاته كهذي ..
      لكن الحمدلله مثل الحصآآن اصم الله علي ..

      حيآآااكـ الله اختي ..^^”

  2. ياكثر هرجك ههههههههههههههههههه

    اول حاجه الحمدلله على سلامتك ، فيه شغله ، هو فيه انسان بشري وغير بشري ؟
    انت تحدت عن البشري ،، ماهو الغير بشري ؟ وبإيجاز حفظك الله ورعاك 😀

    • اهلا ً اهلاً وسهلاً ومرحبنبؤؤؤؤ ..

      ياااحيااا الله صعبوب ..يا حبني لطلتك القميله ..
      هههههههه ونا اقول الفوانيس المعلقه فوق تنور وتسكر ..
      طلعت حااط رد هنا الله يحيك ..
      الله يسلمكـ ياارب ..
      ااايه نعم انساان بشري ..وغير بشري ..
      همم الغير بشري هو اللي يتقمص صفات البشري ..
      وهو اصلاً لا يملك صفات البشري ..
      انخراطه مع البشر هو سبب تأثره بصفاتهم ..
      هيا اش راايك بالايجاز البسيط ..
      مره ثاانيه وانت جاي جيب معك جائزة نوبل ..^^”

      حيآآك الله ^___________^ ..

  3. الحمداللــہ ع السلـآمــہ يـآ بطـــہ و يـآ فيصلً 😀

    |:

    واللــہ كنت بشتري ذآ الحبوبً
    بس امي قآلت لـآ روحي للـ دكتورهً . خآيفــہ على يآ حليلهـآ < ايــہ هينً ض1
    شسمــہ عآد وصفت لي حبوبً زيــہ بعدً
    طبت في يوم واللحين العلـآج مدري وينــہ XD

    |:

    ولـآ يكثر يـآ الدكتوريً :P:D
    بـ حفظ اللــہ

    • الله يسلمكـ يا ضي ويا ضيوونه ..^^”
      اايه اصلاً لا جت العافيه الواحد صيووو ..
      ينسى اللي مر فيه .. ويضيع العلاجات ..
      واذا مرض .. وين ووين وعطووني ..

      ههههههههه
      حيآآااكـ الله اختي ..^^”

  4. اهنن اهنن بالحصان , يالله حيهم ^^

    سلامات سلامات ما تشوف شر ان شاء الله . .
    يووهـ عاد كولد فلوو ادماان انصعقت عايلتنا وقاموا يرمّوون العلب بالزبايل هع
    بس الحمد لله طلعت اشاعات 🙂 < عاد مرآآ ادمنت , صرت كل يوم قبل ما اروح المدرسه اشرب حبّه , بس هاوشوني < كات تسهر =(

    المهم يحليل بطتك بس ~
    شسمه الله يطّول بعمرها يارب =)

    دائمـا مبدع . . .

    • اهلا ً واهلاً ..XD … وش يالله يسلمكم ..^^”
      الشر مايجيك ياارب ..^^”
      ايه اشاعات شركه تطلعها ضد شركه ..^^”
      اهااا انا كنت اسهر اروح مواصل ايام المدرسه ..
      بس ماخذ حبوب عاادي اوصل من المدرسه قااااضي ..
      آآمين ..^^”

      حيآآآااكـ الله اختي ..

  5. وللنسيم إعتلال في أصائله..
    كأنه رق لي فا أعتل إشفاقا

    ‏<‏<تصحيح البيت

    الحمدلله ع سلامتك ،وماتشوف شر

    هالحبوب أعرفها .. زينه
    وكل مره بوصي عليها وأنسى
    ‏<أحسب فص فصه شي مهب أسم ،
    عآد أكتشفت مؤخرا أنه أسم:)
    ترآ حتى أنا عندي سلحفاه
    بس ماسميتها صار لها تقريبا شهر في يوم 15من رمضان بتكون تمت شهر 🙂
    عآد ما أحبها وأصلن وحده معطتني إياها ورجعتها لها
    عاد راحت ونستها عندي

    عآد ناويه على “هامستر”من سلام مول 🙂 شفته،مسكته،عجبني 🙂
    ‏<‏<تدوينه حلووه ،تابع ونحن نتابع

    • هههههههه مذااكره الادب زين شكلك ..^^”
      الله يسلمك ياارب ..
      لااا موب فص فصه يعني فص فصه ..
      هذي الله يسلمك بطتي ..اسمها مقتبس من اسمي ..^^”
      طلعيها من جوت القوقعه حقتها تتبرد شووي ..خخخ
      وااالله ماا انصحك تشترين هالجرذي ..^^”
      ينحاااش عليك ماعاد تشوفينه ..^^
      ماانصحك تشترين من هالاسواق الكبيره ..
      اشتري من سوق الحمام المعروف ..^^”
      سعر الواحد 25 ريال اخر مره سألت عنه ^^..
      كنت بشتري بس مآآش شفته يناقز يمين ويسار قلت ذا …
      اللي يبي يفرك مني اول مااشتريه ..^^
      ^^ شكرًا ع المتابعه ..
      حيآااك الله اختي ..

  6. مساء الخيرات والليرات 😀
    وكل عام وانت بخير :$ <~ احلفي كان جمعتيها مع العيد احسن :@
    ماتشوف شر ياجاري =(
    انا اخاف اكل الحبوب خوافه من يومي وانا ع الشراب 😀
    و مالي سنتين صرت كبيره واكل الحبوب خخخ
    انت واحد غريب 😐 جداً جداً
    بطه مالقيت تخق غير ع بطه 😐 😐 <~ بتنجلد لا محال
    وسعت صدر يادوب 😀

    • مسااء النورات والريالات ..^^”
      ليرات شكلك توكـ شايفه باب الحار ..XD
      وانتي بخير وصحه وعاافيه ..هههه موب مشكله الدنيا كذآ عفسه ..
      الشر مايجيك ياارب ..^^”
      اووما ع الشرااب كغغغغغ يغغغغغغ مر مر مر …
      اغغغغغ وشلون تشربينه ..انا ماصدقت خبر طلعت من الابتدائيه ..
      حتى استنى كذآ امرض واكل هالحبوب كنت احبها بشكل لا يتصور ..^^”
      ههههههههههههههه لا تغلطين ع فص فصه ..XD

      حيآآااك الله اختي ..

  7. على طاري البنادولات احس ان شركة البنادول تلعب علينا لقيت مين يعطيها وجه صلحو بنادول نايت وبنادول اكيسترا وبنادول للركبه وبنادول هذا الأخضر حق الزكام اطلق شي صراحه << جربته واخذت احلى نومه وبعد بنادول حق زكمة لونه اصفر يعني يريحك بس مايخليك تنام هذا علمي بس اكيد في اختراعات ثانيه ..
    عموماً اجر وعافيه
    والبطه هاذي يبيلها ونيس في السطح لحالها وش تسوي 😦

    • اايه صح اذكر اول مافيه الا اثنين واحد لونه ازرق وواحد احمر ..^^”
      الحين ماشاء الله انواع واشكال .. موب البلا فينا صاارت مثل الحلاووو …^^”
      الله يعاافيكـ ياارب ..^^
      لااا ويين لحالها خرووف ..بطه معها اصدقاااء كثر ..مسووي لهم عزبة هنود غرفه لحالهم ..
      لاآآ عندي كم اربعه كانوا خمس ومات واحد .. ماكان يسمع كنت مسميه الوقار ..
      عشانه هاادئ ومسالم ولا يهرب ..هو كان مريض ويحزن = “)
      دائمًا القااه لحااله وجيت لقيته ماات .. الله يرحمه ..^^”

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s