لآ بآآآس يآحظي المحتآس … عند الله دوآهـ وعلآجه !!

السسسسلاااام عليكم ..

صبااحكم / مساائكم حبحب وبطيخ ..

كيفكم ان شااء الله تكونون بأتم صحه ..وافضل حال ..وابهى حُـله ..

وش رايكم بالزوليه الجديده قصدي البااك قرواند الخلفيه ..

تراا هذي بس هالقطعه الصغيره هي الخلفيه ..^^”

اليوم ألتمست مثل جميل جدا وهو مثل الاطرش في الزفه .. << مادري وش تبي ..بس يالله مش حالك

اليوم ونا في الصاله متكي حاط رجل ع رجل بعد واطالع سبيس تون مع اختي الصغيره ..

وكنت كذآ شكلي فااضي ونا مشغووول وانشد جدتي ياجدتي انتي حبي ومهجتي ..

جت امي تقول ياروح جدتك قم جب لنا حبحب اللي هو بطيخ واللي هو رقيه واللي هو دلاع  واللي هو جح باقي اسم ثاني  ..^^”جح جح جح ج ح ههههههه وناسه .. احس له قصه للي سماه  جح .. او اللي اكتشفه سموه بأسمه ..^^”وكم هي كثييره ..

والله في البداايه رفضت لكن شفت في فنحال قرريب من الوالده فقمت براحتي يعني ماراح تفكر الوالد ترجفني بالفنجال ..

المهم رحت للخضًار او محل الفواكه وصاحب محل الفواكه اهو يسمونه خضًار صح ولا انا جايبه من راسي ..

جعلني الصلاااح ..

طبعا اذكر يوم كنت اطلع مع الوالد كنت اشووف يخبط و يضًرب في هالحبحب ..

وكنت اسأله ليه تضرب الحبحب يقول اذا فيها صدى مادري وشو فإنها زووينه ..

ونا اقول في نفسي امم النصب صدى في الحبحبه صارت قدر ضغط موب حبحبه ..

دخلت عند الخضًار وبدأت شغلي وتخبيط واضرب ضرب في هالحبحب ولا طلع صدى ولا هم يحزنون ..

شووي الشايب صاحب المحل يقول ياااجني فقعت الحبحب ..نا  اقله طيب ابغى حبحبه زووينه ..

لاني صراحه تحمست وقمت اخابط في هالحبحب ..

لان شسمه ماودي ابين له اني مااعرف مادري وش السالفه .. عشان لا يستغلني ..شوي يقول تبغى حبحب على السكين ..

انا احسبه يقول تبغى حبحب مع سكين .. قلت ذآآ ناوويني ضربت عيااله البطاطيخ اللي مفردها بطيخه ..ويبي ينتقم ..

لا عاد موب كل مره موب كل الناس مجانين ..فهمتها قلت ورنا اشووف انت اختاار لي وحده سنعه سوكريه ..

اي طعمها حالي .. واختاار لي وحده تدوخ من الششششكر السكر اللي فيها .. قلت حلوه بكم ..؟؟

قالي بـ 15 وبدأت اكاااسره لين حسيت ان الضغط عنده الشايب بيرتفع ووقفت وخذيتها بـ 10 ..

فالحمدلله طحت في واحد يعني فيه خير ..ولو شريت من واحد ولعب علي رجعت له وخليتها ياكلها كلها لحاله ..

المشكله مافيه يعني اشياء ظاهريه تدل ع انها زينه وقابله للاكل ..يعني مثلاً اذا لونها مائل للاخضر ومثل كذا ..

موب يلعبون علينا مير نخبط بهالحبحب واقعد ادور صدى وين صدى فيه .. كلها حظ من الله ..

والله شسمه كبرنا صرنا نجيب اغرااض للبيت ..ويقول الوالد عقبال ماتجيب اغراض لسعيدة الحظ اللي بتاخذك ..

ايه عاادي شرريت لهم خياار وطماااط ومووز وحبحب وكلها الحمدلله وفقت في الاختيار ..

واايه ع طااري كبرنا تحطييم توني ادخل  17 ونا احسب اني بدخل 18 ..هههههه

http://mychar.co.cc/

هذا الموقع دخلته شوفوا النتيجه ..كتبت اليوم والشهر والتاريخ بالهجري واسمي ..

برج السرطاان ..

الكوكب المؤثر القمر لا أثر فيني ابد ابد ولا قد طالعت فيه بعد خخخ ..

العنصر : الماء << اما مااء لو قالوا كاكاولا او ببسي يمكن بس ماء ااايه حسيت اني في ناروتو ..الماء والارض والضوء والنار..

اسووي جتسووا انا من قرية المطر .. مانيب من كونوها .. << مصدق وداخل جو 

اما احسن اياام الاثنين .. عااد يوم الاثنين كرهته لان اياام الدراسه كان عندي فيه حصتين رياضيات وفيزياء وكيمياء انقليزي تسميع ادب ولا حصة ادب الا فيها تسميع .. وفيها ساابعه بعد ياااني اتكدر واتململ واهووجس وتخلص الهواجيس في ذاك اليوم كنت بعد اغيبه .. اسبووع اغيبه واسبووع لااا من كرهي له ..

يعني يوم كئيييب ..*_*” لكن كنت اصوومه مع جدتي ..

مادري احس بعضها صحيح وبعضها موب صحيح ..يالله نشووف اعمااركم كلن يقلي عمره ^^”

عمري 17 مالي الا عشرين يوم ونا دااخل 17 ..ونا احسب مااشي 18 ماتحسون اني ودي اكبر بسرعه ..

اايه بعد هالدوشه قلت برووح اشتري اسكريم ابرد ع رووحي ونا من اول ودي بسكريم اصلا ..

مريت باسكن روبنز مقفل يمكن يخاافون ع اسكريماتهم تمييع من الشمس يمكن ليش لاااا ..

ودخلت كون زون .. ..

واااااه بس برميل وااحد بس .. << هالأيقونه تحسون انها خااقه زيااده عن اللزووم ^^” ويمكن ضابطه الدور ..

لاااااااااااااااااااااااااا  .. >> ترا الاسكريم موب زين يجيب اللوز ..^^”

شرريت مثلها في الحلم ..

تراا مره قد جربت كيك الاسكريم صراااحه خيااااالي ..شيي بس مشكلته يميع بسررعه ..مايمدي تصب القهوه إلا ماع ..

>> تراا مااشرب قهوه ولا شاي ..^^” ولا احب القهوه عليها طعم هي ع حسب يعني ربعنا مايعرفون ذيك المعرفه ..

لكن لاكثروا زعفرآن وريحت القهوه ترك الرااس ذاك الوقت اشفط الدله كلها ..خخخ مانيب اللي يتقهوى دوم تقول عجيز ..

وطبعا في الاخير تعرفوون .. قلت له عطني اسكريم من ذااك البرميل الاسودااني اللي بالشكلاطه ..

نا اعرف كون زون ومعروف علبه ع قدي لحالي 5 ريال ..وبو هنود يطلع لي علبه قد فنجال القهوه ..

ولا بعد كوره وحد موب ثلاث مثل اول ..وكلها اخذها في لقمه وحده .. .. قلت له عندك شبكه ؟؟

>>> شوفوا الناس اللي تعرف تصررف … لاني وقتها مانيب فاضيله اناقشه وليه وليه ..

يعني هذي اللي كأأنها حااسبه ويحطون فيها بطاقة الصرااف قاال لااا .. قلت اجل بروح اصرف …

يعني ودي اعرف من الغبي ذا اللي بيشتري 5 ريال اسكريم المشكله موب طعم فيه ..يمديكم تبلعونه مع الكرتونه حقته ..من صغره .. لا هو اصلاً الفرع اللي قريب هنا موب ذااك الزوود اصلا ماعنده ذا البسكوت حق الاسكريم عنده علبه بس كبر فنجال القهوه ..

وفي الاخير مريت البقاله ..وشرررررريت اسكررريم ..بو خمسه

له ذكريات جميله وقطة الاسبوع والهوشات ع اسكريم الببسي .. لها مذاق راائع مع هالاسكرريم ..اياام الابتداائيه .

هنا يكمن التوفير والاقتصااد 5 في 1 .. اصلا ماعندي الا خمسه ريال وشريت حمضيات واشياء واجد..

يووه اثنين اسكرريم ببسي يوووه وزماان كنا نطاااق ع وااحد لالا هو صاحب الرياال هو االلي ياخذ الببسي

واذكر اسكريم بعد يطلع معاااه امشااط وألعااب بس مالقيته ..كنا مروقين ناكل اسكريم ونمشي في الشمس ياسلاام ..

واهم شي ترا اهم شي الطعم دائمًا موب المكان ..انتبهوا انتبهوا ..الله الله ..

اهل الريااض .. امس كان فيه غيووم الله يجيب المطر …يااارب ..^^ ادعوا ادعوا ..

مع السلاااامه <<< لا تنسوونها ..^^

“”””””””””””””””””””””””””””””””””””””””””””””””””””””””””

التدوينه يوم : الاحد السااعه 1 ليلاً ..

الحاله المزاجيه : مالي نفس اسوووي شي ..وقاعد اشتغل ع مشرووعي ><” ..ادعولي ..

وتووني مصوور هذي ^^ ووهذي اللمبه ام ريااال كنت احتااجها لشي ثااني لكن جت فكره وصورتها بعد ..

أأ شسمه طبعا اللمبات عند المصورين يعبرون عنها انها مثل الافكار ..ونا هنا اعطيهم انطباع الفكره كالطفل ..

لكن حاليًا ماادري ودي اسووي شي بس ماادري وشو ..>< ” >> تحسون بالطفش ايه قرب رمضان وبعد رمضاان مدرسه يامسااكين وك ووك وك وك وك وااااااااااااااااك << مسووي طالع منها ذذذذ .. ودي اسووي انجاااز بس مادري وشو .><”

صحيح فيه اشياء انجزتها في الاجاازه لكن كنت اطمح لأكثر ..لكن تووااا ماخلصت الاجاازه بااقي اكثر من شهر …

ان شاء الله انجز فيها …^^ وراااااح اغير الفوتوشوب حقي … بنزل العاااشر طفشت من التاسع …

“”””””””””””””””””””””””””””””””””””””””””””””””””””””””””””””””

Advertisements
بواسطة فيصل

16 تعليقات على “لآ بآآآس يآحظي المحتآس … عند الله دوآهـ وعلآجه !!

  1. أهلووش ^^
    ههههههههههههه والله تضحكني XD
    نحن عندنا أنقولوا عليه دلاع 🙂 باهي كويس
    نحن هنا عندنا واحد مات !! علشان شراء دلاعة وطلعت بيضاء
    رداها لبتاع الخضرة تك هوو وياه عركة بتاع الخضرة ضربه بالموس مات العيل 😦
    17 العمر كله 🙂 يعني قريب تدخل الجامعة ماشاء الله XD
    الموقع ماقريته كنت احسبه تحليل شخصية @_@ فجربته
    الا شفت الصفات XD
    صفاته:
    ذكي -متقد الذهن- فصيح -لدية روح الشباب -متعدد المواهب- اجتماعي- متأقلم
    متوتر -غير ثابت على حال-عصبي-ماكر- فضولي << ماشاء الله XD
    هههههههههههههه
    العنصر: هواء < هذوم نسيتهم في نارتو لي زمان عليهم هي قرية نارتو صح ؟؟
    ماشاءالله حتى الموقع عارف أنك شيف XD ههههههههههههههه
    ماشاء الله طبيب أنت بتطلع واحد منهم ؟ ولامزال مش مخطط ؟
    يي الايس كريم ذكرتني لما كليته في السعودية إن شاء الله حتى المرة هذه سأكله لما نجي @_@
    هههههههههههه
    ايس لولي << نحن نسميها لوسي
    بس بتاعتكم أنظف أوسنع XD
    عجبتني فكرة اللمبة 🙂
    بالتوفيق لك 🙂

    • ^^ أهلاً اهلاً … دوم الضحكه يارب …
      ايوا انا كاتب فوق دلاع ^^” الا يدوخ ..^^
      لاحول ولا قوة الا بالله هو لازم في محل خضار يوجد موس ..= (
      لذآ ع الواحد يكون حذر في التعامل معهم ..^^
      الجامعه بعد سنه باقي لي سنه وادخل الجامعه ..
      هههههههههههههههههههههه
      ايوا الهوااء هو نفسه الريااح في قرية قريبه من الرمال ..
      الناار كونوها ..^^” حتى انا من زمان ماشفته +_+”
      ههههههه اكون شيف افيد نفسي ..^^”
      اممم عندي خطط وبداائل وااجد ومن ضمنها طبيب بإذن الله ..^^
      هههههههه لوسي اسم قطووسه ..^^ عندكم مثله ماشاء الله ..^^
      كلها من شركه وحده …^^”
      وايضًا بالتوفيق لك ..^^
      كوني بخيير ..

  2. عليكم السلام
    هههههههههههههههههههه
    رووووووعه الاستايل………….بس انت مدونتك مجانيه او مدفوعه اذا مجانيه وشلون عملت الخلفيه……………موفق

    • وعليكم السلااامو رحمة الله وبركااته ..^^
      اهلا وسهلا ومرحبًا عوداً حميدًا سرني عودتك اختي ..
      بإذن الله رااح يكون لي تدوينه عن طريقة الاستاايل حقي ..^^”
      مجانيه والاجر ع الله ..^^
      هو قاالب وسهل التعديل علليه ..^^”
      بإمكانك تعديل الخلفيه واعلى الصفحه فقط ..^^”
      دمتي بحفظ المولى ورعايته ..^^

  3. هههههههه اهلن اهلن . . !
    شسمه زوليتك تجنن ماشاء الله < تقصد الخلفيه هع ^^
    واهم شي البطييخ وسالفته , وربي اني غشييت لما قلت تضرب فيها مدري وش تسوي ههههههههههه

    ووشمه حللت شخصيتي وطلع برجي الاسد آآهـ يا حبي لرقم 8
    وامممم , بالعافيه عليك الايس > مشتهيه باسكن مرآآ ثانيه جيب لي اوك =(
    واهم شي الـايس ابو خمسه هههههههه , اتذكر نتهاوش عالاحمر كان طعمه احلى شي هاهاها . .

    وماشاء الله بيك الشمس تجنن مرآآ > وعلى قولتك مطر < امس ما جانا الا غباار -_- عاد يقولون شمالها جاهم مطر ! < وجه زعلانه ومشتهي يشيل بيتهم للشمال خخخخخـ . .

    وان شاء الله تنتج اشياء حلوهـ بهالشهر =)
    دمتم على هالشخصيه الحلـوهـ , تـشآآو

    • اهلا وسهلا ..^^
      ههههههههه جديده بقراطيسها ..^^”\
      قااعد ادور ابغى اسمع صدى خخخخ …

      ماشاء الله عليك الاسد اجل مفترسه شكلك ..يمممه ..ههههههه
      انا رقم حظي 4 مادري ليه دوم الرابع الراابع في كل شي الا كشف الاسماء …
      الله يعافيك ..ابشري باسكرريم بوخمسه وبعطيك الاصفر موب حلوه ..خخخ
      باخذ الاحمرو الببسي ..XD ..
      من جد مثلنا بعد .. حتى انا بروح الشمال معكم << صدق oo"
      ان شااء الله .. دمتي كالماء ..

  4. زوليتك خنفشاريه<<روعته من الخشه هههه

    هنآاآه سعابيل تقوطر من شفت ذا العسكريمات والكيك

    ‏<‏<ياعليهم تحليل!
    نتفوني تنتيف متنتف خخخ
    ما أنتبهت لرقم الحظ للأسف الشديد
    ‏!‏
    بعد أنت صغروك! 0_0
    ‏<جالسين يتفننون فينا

    ذا الإجازه أحس مآاش ما أنجزت شي
    يلبيه قربت الإجازه تخلص وندخل3ثانوي ثم نروح الكليه إن شاء الله<خشه متشققه من الونآسه هع!

    أما جو الرياض ذاك اليوم ششي
    مطره فجائيه ياعساها تتكرر بلا شر 🙂
    ثانكس ع التدوينه النايس
    بس أنا علتي عله
    أموت بشي أسمه رموز
    بس قهر ماعرفت أشغلها بمدونتي!
    تهي تهي تهأأ

    ياليت تعلمن

    • الخنفشااشي مرورك الرائع .. ^^”
      من جد ودي ببرميل واحد منها ..وآخرتها اسكريم بوخمسه ..=”(
      انا ماقرأت تحليل بس ولا رقم الحظ بس انا عاارف رقمي المفضل 4 ..^^”
      من جد قربت تخللص الى ثالث ثاانوي وبعدها الى الجااااامعه $_$ المكافئات الشهريه ..
      من جد ليتها تتكرر يالله يارب ..^^” والله استانست ذاك اليوم جلست في السطح تحت المطر الى ان وقف ..
      ابشر ماطلبتي شي رااح اكتب بإذن الله لي تدوينه قريبه اشرح فيها كل بلاوي الوورد برس ..

  5. يازين الجح في هالحر والله يبرد القلب
    الا رايح باسكن والا تجيب لي معك ياكافي

    ابي كوره اوريو وكوره توفي
    وحط فوقها صوص توفي((تتشرط بعد

    حلو الموقع حق تحليل الشخصيه
    فيه مني بس فيه أشياء نصب
    أنا من سكان كوكب زوحل

    ايه وترا نزل عندنا مطر يوم ذاك اليوم ماجاكم شي؟؟
    وكثير بعد

    ياقدممممممممه ايسكريم ابو خمسه او كان أيسكريم سلاحف نينجا
    اخواني يشترونه ذا ابو خمسه لين الحين
    بس ماش طعمه مو حلو زي أول ولا عد يبيعون سلاحه نينجا

    والفوتو لاتغيره نصيحه انا عندي العاشر احس التاسع احلى
    وترا طلع واحد اجدد من العاشر جربه =)

    • اي والله يازينه لا جاا باارد من الفريزر مره اكلته وهو اسكريم ..^^”
      بااسكن مقفل رحت لم كون زون ..^^”

      وش وش كورته ماعندي الا ام عشره شاريها من البقاله ..
      والله يااهي اصليه ألعب فيها العصريه وابرد في ذا الحبحب ..^^”
      ااهاا كور اسكريم كورة صوص والله انت دوم تاكلين صوص ..
      موب آخر مره ماكله صوص ياباني ..هالمره صوص باسكوني روبوني ..^^”
      اووما زحل .. يمكن صدق لانك تاكلين صيصان دايم .XD”
      يوووه سلاحف الننجا ونااسه ..^^”
      حتى انا اشتريه ااييه صح خرب طعمه الله يخسهم ><" كروووس ..
      ::
      شوكرن ع التعقيب ..^^

  6. يه يه يه فيصلوووه انت كببببببببرررري

    يعني اني افتكرك في العشرينآآآت.! كبيييييير يعني .. بس وشسمه يعني اني انصدمممت في عمررك حييييييل << ودووني المستشىفى هع

    هههه

    اييه شسمه بعد

    يعني اني يعني

    اييه عليك هذره انت وخشتك ذي .!

    اشتهيت باسسكن وججع توجع بلييس ..

    امآ عن سالفة الجح .. انمآآ ايييييه والله حلاتهآ ذاك الشايب يدري انك تنح وقص عليك هع .!

    << نذله

    ههههههه

    • XD ماشاء الله .. لا انا اكبرر ..ذذذذذذذذذ
      -_- ليتني في العشرينات ..
      ههههههههههههههههههههههه
      اخيرًا جااء احدهم وقالي تنح ..عادي عادي ..
      يعني اني يعني ..كذآآاااااع يعنني ..
      حيآآآآكـ الله اختي ساره ..

  7. السلام عليكم ورحمة الله وبركاته
    بالنسبة للخلفية الصفرا حلوة بس حادة يبيلها لون يكسرها
    على سالفة البطيخ هههههه بدعت ماشاء الله …بعدين لازم تطيع كلام الوالدة حتى لو مو يمها (جنبها)فنجان علشان التوفيق
    بس مسكين الريال تصروع على بطيخه … بالكويت بعد عندنا اسم ثاني جان بغيت نسميه “رقي”

    ليش ما تحب يوم الاثنين الرسول -صلى الله عليه وسلم يحبه -لأنه نولد فيه …زين طلع لك خوش يوم بس ترى لا تآخذ فيه تحليل فاضي بس تعليقك عليه عمري ما شفت مثله ههههههههه
    عمري 21 وما انصحك تكبر وخلك مكانك وأستمتع بايامك ما أقول أنه الواحد لمن يكبر شي موزين بس
    لا تنسى تستمتع بحياتك وتنجز ولاتضيع وقت وحاول تنوع بمواهبك وتعلم وايد علشان لمن تدخل العشرينات
    لازم تستعد للعطاء ومستعد أنك تكون ناجح أقرى كتب بهالسن وايد شي مفيد وكون صداقات وايد وأدخل مغامرات بس موخطرة ^_^
    وبالنسبة للبرد تعجبني الواقعية والصراحة والذكاء وحل الموقف … شكلك بتكون انسان ناجح بالمستقبل

    و أهل الرياض>>> عسى الله يرزقهم مطر تحيا فيه البلاد ويكون خير يارب

    أول مرة اشوف جذي لمبة بحياتي … إذا تبي تنجز أقرا ^_^

    أتمنى لك التوفيق في الدراسة وعطلة سعيدة ودوام اسعد ^_^

  8. وعليكم السلام ورحمة الله وبركاته ..ا = )
    هو كان الهيدر اللي فوق قرريب من لونها لان هالتدوينه قديمه .. = )
    هههههههههههه ايه صح .. غصبن عني .. عسالله يرزقنا برهم ..ا
    اايه ياحبني للكويت واهلها ..اايه شسمه كاتب فوق رقيه ..ا XD
    كان بودي في رمضان اروح الكويت اصلي في مسجد الكبير حق العفاسي بس مالله كتب ..= (
    لا الاثنين موب يعني كره هو كره للمدرسه ..XDD ولا اصوومه مع جدتي اوقاات ..ا
    ههههههههههههههههه بالعكس الواحد لمن يكبر يبدأ يحس بمسؤليه ويطور نفسه ويجعل له مكانه في المجتمع اللي حوله او المجتمع كآآفه ..ا = )
    ان شااااااء الله .. شكرًا ع النصيحه .. = ) شكرًا جزيلاً خاتون ..ا
    ان شااء الله آآميين ياارب ويااكم ..ا = )
    ههههههههههه ان شااء الله توني شاري كتاب بعد ..ا XD
    آآمين ياارب ويآآآكـ الله يوفقنا جميعًا ..ا
    سعيد جدا بمروركـ ..ا = )

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s