وأصعب من الـ جوع ، يابطني مداواته ..

السلاااااام عليكم ..

اليوم ارتكبت اكبر خطأ في اليوم كله ..

همم باقي توه اليوم بدأ يمكن يجي خطأ اكبر منه ..

مثل أي يووم قمت السااعه في عز الليل الساعه 2 ..جوووعان  كالعااده ..

لاني مااتعشى ولا اتغدى وجبه وحده تكفي ..فقمت من النووم جيعاااااااااان ..

بمووت من الجوع ودي اكل اي شي لكن للاسف مالقيت شي ومالي نفس في الفواكه بطلنا نصير نباتيين ..

يعني ودي بشي كذآآ ساااخن ومذااقه راائع ..المشكله مافيه ساندويتش ..ولا خبز ..ومافي الا انا صااحي ووحده من خواتي  ..

وقعدت ادور في الادرااج حقتي لعلي القى فطيره لوزين سفن دايز شي ..مافيه الا حلويات بعد الحفله ..= (

حلويات وبطني فااضي ماتجي ..وافك حلاااوه بالتمر يعني كأنها خففت الجووع ..وبعدين خلااااص مااد لسااني من الجوع ..

ع لحم بطني ماكليت شي من امس ,,.. واصم الله علي .. مايكنس البيت ويرتب إلا فيصل ..

طبعا انا انسان راعي بزنس ماان كل اللي في البيت يستلمون رواتب إلا انا مسكين ..اسووي صفقات ..

احياان اشتري ببسي مجموعه وجلكسي واشيااء واجد ..وأبدأ ابعهن الساعه وحده باليل ..عشان البقالات مقفله ..

وعروووض خااصه وخصومات بعد ..خخخ واسعاااري رخيصه ولا صاار اشتر ببسي بـ 3 ريال واحصل شفاط مجان ,,

فصرت اسووي صفقات اكنس الحوش ويعطوني 35 ريال .. ..طبعا يعطوني الفلوس على اني اجيب عاامل ..

يكنس الحوش ..وطبعا انا ارفض العمااله الاجنبيه و أيد العماله الداخليه  اللي هو المصون فيصل ..

كلها هشتين بالمكنسه ولا الحوش نظيف .. اليوم اللي بعده ماكأني كنست الحوش وتمرين بعد للعضلات وشوي اتحرك احسن من دوم ع اللاب ..الواحد يتحرك شووي ..

نغير من الروتين .. والله بالنسبه للحوش متعب بالاخص الغبار ذا الايام اعوذ بالله  .. يكسر الظهر ولا بعد لا صاار فيه إشرااف شيين ..خواتي يشرفون ع النظاافه .. مايمديني ادس شي منا ولا منا تحت الجمس ماحد يشووف او يلاحظ .. اشتغل زين ولا بنخصم عليك ,, طيب طيب ..واكمل ..

طبعا بمقااابل وبما أن الوالده ماتقدر تسوي شي الله ييسر لها ان شاء الله مشااق الحمل ..مير تجيب لنا نونو صغنون ..

بس موب دووم ع حسب النشااط واذا كنت مفللس بعد .. ..

المووهيم هالمره كنت جيعاان بشكل لا يتصور ولاحد بقى لي شي آكله ..والله واتجه للمكان المحظوور .. المطبخ

طبعا لقيت تميس حق مادري متى لكنه مشواار اقعد اعض عض في هالتميس الياابس ..يااع هييييع اسنون تنشب في التميس ..

كنت بحطه بالمكروويف ..واحشيه جبن وكتشب ..لكن يوم طرا علي الكتشب ..فتحت الفيزر ..لقيت بطاطس جاهزه للقلي ..

وهنا بدأ التعزيز ..وتجي اختي شافتني وش تسووي ؟؟ قلت اسويلك بطاطس مقليه ..

خلاااص سولي ..والله كنت باسويلها بفلوس بس خفت تطردني من المطبخ ولا تعلم الوالده ..آآخر مره حرقت الزيت

نسيته ع النار ودخلت المطبخ كله دخاااان واشغل المروحه والمكيف وافتح الدراايش ..واهووي بالصحوون عشان لاحد يكفشني .. وانكشفت وتم منعي من العبث في الفرن وادوات الطبخ ..حتى إشعاار آخر ..

والله شسمه لقيت كيس بطاطس جديييييد وفتحته ..وتركته شوي عشان يروح الثلج ماتشوفون مثلج تعلموا مني

لين تحسون انه رااح الثلج شووي ..عشان لا حطيتووه في الزييت مايقول تشششششششش هيييييييه تتششششش …

فما يقول تشششششش اذا كان الثلج موب موجود .. تعلموا معكم الشيف اساامه ..

وبدأت اقلي اصم الله علي اعرف .. بس اذكر مره طار علي شوي من الزيت وطاح ع الروب حق الطبخ ..

عشان كذآ الرووب مفيد بداال ويخفي ريحت الزيت من الملابس .. خلوكم اذكيااء يادلوخ ..

هذي اللي كنت اشيل بها سمكتي اول ماشريتها .. ترا ماحد يدري ..خخخ الحين بيدي عاادي صرنا اصحاب ..

ونا مجتهد اقلي كل شوي مجموعه ..وآآكل ..يمديكم آكل واقلي ..

الكتشب موجود والبطاطس في السله ذيك ويالله آكل متحمس …يالله تصبيره مابين اخلص ..

تصبيره تصبيره متحمس وآكل ..كتششششببب

شووي احس اني شبعت وأطااالع السله حقت القلي مليااانه بطااطس يوووه .. وين اوديه ذا كلله ..

شوي دخلت اختي تشيك ع الاوضااع وتطالع يوووه وش ذآآ ياخبل ..مسووي للجيرآآن بعد .

هاااه .. المشكله اني غبي اعترفت ع طوول اني شبعاان .... وقالت ماعليه خله للثانين يفطرون عليه ..

بس جييب ساندويتس من البقااله الصبح ياكمخه .. ان شااء الله ..وانا قلت يمكن مايكفينا ولا دريت اني شبعااان

والله تصدقون كنت بادق على عيال عمي يبون بطاطس ارسلهم في حاافظه مكثر والله .. وفعلا اعطيتهم منه ..افطروا عليه..

وكلن افطر منه ولا بعد بقي منه ماجا العصر الا بقي شوووي والله واسوي به ساندويتش وكثر كتشب ..

فانتبوه احياان الواحد وهو جاائع يااهو يخبص في هالدنيا ..يسووي اكثر من حااجته في الاكل ..واتوقع انكم مريتوا بالهشي ..قااامت الوالده الصبح تقوول حاافظة البطاطس مين اللي مسوويها .. موب انا اختي ..هههههه اختي راحت تنام ع الاقل تروح عني مؤقتًا ..خخخ مانتهزئش مع الصبحيه ..

تخبروون هالاياام مشغول مسوي منااوبات في المرااقبه مع ولد عمي اسااعدهم في بيتهم ..يسون تعتيق

هذي حقت شيربااص حق السرااميك .. اسمه حلو شيربااص بس انه افغااني شهم ..هو وجمااعته ..

هاآله يقصوون بها قطع السرااميك .. مافي احسن من بني افغااان اقويااء واشدااء ..اهبااهم الله ..

هذي الظااهر انها ترووويبه هق البلااااط ..سيم سيم عجينه ..

يالله يااشين صووت التكسيرر .. .. كسر كسر ..قيشاااني مادري وشو ذا بعد ..

ولاعة وبكت الهندي يدخن الهيس .. يالله الصلاااح ..هو فقير ويدخن اكيد انه مقرقش ..

بس والله شفت هنوود انهم منتفين ماعندهم شي يكاافحون عشاان سيقااره لهدرجه صاارت ادماان ..

الله يكفينا شر الدخاان .. اايه ولد عمي يقول لي ان ضرر انك تكون بالقرب من المدخن تصير انت تاخذ 88 %

من اضراار الدخاان والمدخن هو نفسه يأخذ فقط 15 % .. احس انها فقشه بس مايكذب ولد عمي ..

قلت اجل برووح ادخن معه خخخ بدال مااخذ 88 % اخذ 15 % ..

لاني جالس ع الكرسي واشووف شغلهم لانهم لو تتركهم لحالهم تجي ولا هم بااقي ماخلصوا ..

فداايم استقعد لهم لانهم كل شوي واحد راح يدخن ولا متكي ولا يكلم ولا يبرد  ع روح ولا رايح البقاله ..

انا جاايبهم يشتغلون موب مسوي لهم سيااحه داخليه في بيتنا .. لذآ الرقاابه مهمه جدا واسرع وابلغ في العمل ..

اليوم ونا طفشاان قلت اصوور وارااقب ..خخخ شوفتوا البكت خلصه ورمااه ولقيته في الحاوويه حقت السرااميك ..

وقت التصووير تااايم ااووب .. شوفوا الصور والتحشيش اللي صااير ابدأ بسم الله ..

طبعا هذي الصوره وهي مفبركه وش راايكم بالكلمه مفبركه .. حلوه ايوه شوي لعبت فيها ..

ماتشوفون مكتوب تحذير صحي ..باللغه الانجليزيه والعربيه ..أأكبر مصيبه ..التدخين لسرطان وامراض الرئه والشرايين ..

يعني شي غرريب مكتووب ع العلبه .. انه يسبب السرطان ليه تشتروونه انا اشووف انه يعتبر انتحااار لا محااله ..الله لا يبلانا بس .. استغفر الله .. صار المدخن كالبهيمه يدخن وهو يعلم الضرر .. الله يصلح احوال المسلمين ..

الصوره الاصليه ..^^ علبة السجاائر وهي في الحااويه .. أكره الدخان والمدخنين ..

تصدقون الافغاانيه مثل ماقلت شديدين ماحد يعاندهم ابد ابد .. بس انهم ماشاء الله ينفذوون ..

وصدق ولا قالوا افغاني افغااني والله كلن وخر موتره يوم جاا ومعااه الحاوويه …

تصدقون كنت احسبه بيمشيي بيروح طلع بيقدم الشااحنه قداام ويرجع ريوس على الحاويه يدفها بالشاحنه ..ياويلي ..

اضغطوا ع الصوره لرؤيتها ..^^”

طبعا مصغره الصوره انا اهم شي عندي الوضوح ..الله يرزقنا بكاااميرا صااحيه يارب ..

لا حياة مع اليأس ..وصدق من قال ..

( إن فن التصوير الفوتوغرافي ليس انتصاراً للآلة . كما يبدو للوهلة الاولى وإنما هو انتصار

للانسان ، فالانسان المبدع قادر على سحق برودة الحديد و حياد العدسة و تحويلها بين اصابعه

الى شيء حي و مرهف كأوتار العود ) .. ^^”




طبعا اضغطوا ع الصوره لرؤيتها بوضوح ..

هذا ثاني تجربه لي في فن تصووير التجريد ..

ماراح اعلمكم وش تجريدي من وشو ..لكن اقرأوا عن هالفن وتفهمونه ..

هذي صوره تهديديه  للهندي هارون ارسلها له وساائط ..

واكتب فيها ان دخنت في بيتنا حشيت براطمك ..

وش راايكم بس ؟؟

اتحداكم وشو ذا ؟؟ ترااه موب ايباد يابعض االناس ..

كسر كسر ..

وهذي صوره تهديديه للزوار اللي مايردون .. رااح اكسر روسكم لو اعرفكم ..بهالفااقووش ..

هذا شمااغ الافغااني رااحوا يتغدون ولا عزمووني قصدي ولا قالوا لي انهم بيرجعون ونا انتظرهم ..

لطعووني في هالشمس وقلت ودي اجرب بعض الحركات واول مابدأت بشماغ الافغاني ..

لو درى عني كسر رأسي تكسير .. وبعدين بالمفكات ..وآخر شي رميته وصورته ..هههههه

هذي هههههههههههههه والله الطفش يجب افكار والصحيح هي العزله ام الافكار ..^^

تسطحت عند الجيرآن خخخخ حظي النحس .. رجعت البيت بفرده واحده ..بسلامتها خخخ ماعلي منها ..

اووما ازعج الجيرآآن واحرج نفسي عشاان فردة حذااء باللي مايردها ..خخخخ لا بد من التضحيات ..

ووومع السلااااامه ..

أأأ تنويه للمعقبين الافاضل .. اذا كتبتوا الرد وخلصتوا قولوا مع السلااامه عشاان اعرف الرد كامل او نااقص ..

سؤاال اليووم :

تعرفون الاكوااد كيف احط صوره فلاشيه في التدوينه …..؟؟ للورد برس ..كلها واحد بلوقر وورد برس الاكواد وحده ..

:::::::::::::::::::::::::::::::::::::::::::::::::::::::::::::::::::::::::::::::::::::::::

التدوينه / يوم الخميس ,,

الحاله المزاجيه / في حوسه مستديمه.. افكر .. ولي نفس اصور بروتريه .. ونفسي في مثبت تيربيدوا ..ونفسي اشوف فلم هندي بس ماعرف افلام هنديه واجد وودي اشووف الفقش ع اصوله كذابين هالهنوود يموتون في الفلم وفي الفديو كليب يرقصون ام النصب اللي فيهم  ..

وخلصت سول ايتر ..الحلقه الاخيره باايخه نهاايه سخيفهـ ..><” بس كان متيز بالجوده العاليه ..

:::::::::::::::::::::::::::::::::::::::::::::::::::::::::::::::::::::::::::::::::::::::::

Advertisements
بواسطة فيصل

18 تعليقات على “وأصعب من الـ جوع ، يابطني مداواته ..

  1. اهنن اهنن . .
    مـااشاء الله فناان بالكووك , واهم شي خلوآآ الثلج يمييع ! < وانا طول هالاشهر وهو يتششششش بوجي خلف الله علّي =( !
    * وكمـاان الله يسهل عالواالدهـ ^^

    وشسمه وش هالعمـال < ضاعت هههه !
    عليك تصوير وتعلليق خونفوشاري صراآحــه =)
    واحلى حااجه الشمااغ والشسمه . . الزقااآير هع ×

    مبدع كـعادتك ماشاء الله عليك =)
    ووو مع السلامه < خافت من الاشياء الحاده الا فووق هع هع

    • اهلاً وسهلا ومرحبًا فيك اختي MOSh ..
      ههههههه تعلمي تعلمي .. تابعي الشيف اساامه ..
      انا تعلمت الطبخ من التلفزيون ..^^” وبعدين قدامنا عزووبيه الله يعين ..^^”
      آآ مين جزااك الله خير ..^^”
      ههههه العمال كلهم يشتغلون فبي العمار ونا مسوي فيها مقااول ..^^”
      هههههههه أشكرك اختي ع الطله الراائع …^^”
      اايه اشوااا مع السلااااامه ..^^” ااييه هههه انتبهي ..OO”
      دمتي بحفظ المولى ورعاايته ..كوني بالقرب دومًا ..^^”

  2. مرحبـآ

    شسمــہ مع انيً توني مآكلــہ [ فلكً ] الـآ اشتهيت هالبطآطسً
    اذآ بقـآ ارسسلً مآ نخآلفً 😀

    ميرً شسمـہ غريبــہ بقـآ كثيرً / لـآ تكون حطيت الكيسـہ كلهـآ
    خبلً قآيلتـہ XD ..

    |

    اقتبآسً [ اتحداكم وشو ذا ؟؟ ترااه موب ايباد يابعض االناس .. ]

    مينً تقصصدً =/
    شسمـہ لـآ تخآف ذآ مو كرتون الـ آي بـآد أصلن 😛 😀

    😐

    اكوسً شي انكً طيرت شمآغ البنقآليً
    زين انـہ مو حولكً ولـآ كـآن شريتلـہ وآحد جديدً

    الزقآيرً

    حمداللـہ و الششكرً
    انـآ اشتغرب من هالي يدخنونً يعني غبـآب صدزً 😀 يعني كتوبً برآ مضر بالصحـہ و يسببً سرطآنً …
    ويشترونص و يدخنونً ويـآ غآفلين لكمً اللـہ

    آإهـً بسسً وش نقولً < اندمجتً 😛

    دآيم صورً ولـآ تطولً زي بعض النـآسً ض1
    سسوآلفكً حلوـہ < لـآ تستحيً 😀

    الله يسسهل ع الوآلدـہ ميرً
    وان ششـآء الله تجيبلكم ( فيصلً ) صغنونً د1 ق1

    :

    مع السلـآمــہ (F)
    ولـآ تهدد بالمطرقــہ مرـہ ثآنيـہ ترآ بعلمً ابويً 😀 < برآإ

    • مرحبتين ^___^ ..

      ههههههه ان شااء الله مره ثاانيه ..^^”
      واللهي موب الكيسه كلها كلها يعني تراا بقي شووي موب شوي حتى كثير ..^^”
      هههههههههههههه سووبووحان الله اللي ع رااسه شسمه ذيك ..^^” الله مير يهديس ..^^

      إلا زيين ماتسطح عند الجيران قصم ليسطحني ورااا شماغه ..ههههههه

      ان شااء الله ..جزااك الله خير ..^^” اما فيصل صغون ..^^”

      مع الف سلاااامه يابت ..^^ ان شاااء الله .. ^^

  3. بلووقك يوسع الصدر ههههههههههه
    انا لسا جديده بعالم البلوقات
    لكن والله انتعاش وعالم جديد
    واشتهيت الفرنش فرايز ♥

    • ^^” شكرًا ااوووي ..
      وشو ذا الفيش فريز ..ماركزت زين ..
      اهااا البطاطس المقلليه ..الله يرج شيااطينس ..
      قلي بطاطس مقليه فشلتينا ..قاعد احك راسي ..
      وادور في التدوينه فييش ..وش فيشه ..فرنش فرايز ..
      من جد حتى انا اشتهيتها جعت ع طوول ..
      ياالله نشووف مدونتك ان شااء مليئه بالانتعااش ..^^

      ااييه وين مع السلاامه >> لا عاد تعودينها ..
      او ان >< " المدوونه اكلت من الرد ..

  4. ههههههههههههه
    دقيقه خليني اعد كم سالفة تم ذكرها بهالتدوينه 😐 <~ برا
    ذكرتني بنفسي اذا صرت جوعانه اسوي كميه كبيره 😦
    ..
    تدوينة موفقه فصيل <~ بتنجلد :S

    • ههههههههه لالا تعدين وتفشلينا عااد ..XD
      يمكن تقرريبًا موب شي تراا باللي يصير معي يوميًا ..
      من جد بعد لا رحت البقااله ونا جوعاان والله اخم كل شي ..
      لكن اكتشفت طرريقه جديده وحلوه ..
      اذا جعت اشررب موويه لين اشبع ويروح الجووع وامتلي ..خخخ
      وبعدين اسوووي أكل ع قدي ..^^”

      :::

      وش وش فصيل تعالي o_O” ..
      يووه ذكرتيني بالجوال الناطق حق الجوال يقول فصيل ..خخخ^^”
      ووين شسمه انتي بعد مع السلاااامه وين وين الفااقوش ذااك اللي فوق ..
      لآ عآآد تعودينها مع السلاااامه ..او ان ردك نااقص ><"
      في حفظ الرحمن ..^^"

  5. هههههههههههه ياحليلك يافيصل والله فله ^_^
    تعال كنس حوش بيتنآ بـ 40 ريال <- يعني اغراء هع
    وبعد تقلي وحركات .. بالعافيه عليك بس =)

    "

    احلى حركة رميت الشماغ .. ياخي احسك متهور خخخ

    الله يوسع صدرك بالعافيه يافيصل =)

    • هلا سوووير ..ههههههههههه ..
      والله هههههههههههه غباار الله يصلح الحال ..كح كح ..
      عندي ربوا << قام يصرف ..
      اايه وش تحسبين استنى امي تقلي لي ..
      الى العزووبيه وماابعدهااااااااااااااااااااااااااااااا ..الله يعين ..^^"
      ههههههه لالا من الطفش ..اي والله متهور = ( الله يصلح الحال ..

      آآمين جزااك الله خير …
      كوني بصحه داائمه ..

  6. هههههههههههه ياأنت توحفه
    مع النعال اللي مسطحها عند الجيران
    بزعم احتراف الحين

    اشتهيت بطاطس مقلي
    كان أرسلتي حافظه أنا بعد

    مع السلامه((تسمع الكلام

    • ههههههههههه لقيتها اليووم في الحووش رجعوها لنا ,..^^”
      احسن انها يوم تسطحت طااحت ع رااس واحد مادري شلون ..
      من جد يقاالي محترف .. مره ثاانهي لاجعت وسويت كثيير بسوي اكثر ..

      ايوووه مع السلااااامه ..<< شوفوا نواااره الشااطره الله يحفظها ..
      موب مثل اللي قبلك احسهم يعااندون ..^^"

      في حفط المولى ..كوني بالقرب دوومًا …كوني بصحه ..^^"

  7. مدري ايش اعلق عليه بالضبط أكثر من موضوع في تدوينه وحدهـ !!! << ما شاء الله ماقد شفت أحد بهالموهبه الغريبه خخخخخخ

    //
    /

    اتمنى لكـ التوفيق

    • هههههههههههههههه ياإلهي كل الزواار داايم يحتاارون ان شااء الله ان شاء الله ..
      اني شسمه ادون عن شي وااحد بس كل يوم يصير لي مليوون شي ..^^”
      ااالله موهبه ..^^” والله ..خخخخ
      ولك ايضًا ..^___^
      كوني بالقرب دومًا …

  8. هههههههههههههههههه
    ماشاء الله عليك تنظف وتأخذ راتب XD << اعجبتني الفكرة لولا أن أهلي ماحبوها <P:
    بس حلووة ^^
    البطاطاس هذه مرة روعة ♥♥♥ أحبها XD بس معقولة ماتعزمناش عليها ؟ T^T
    الا ووتشيل بيه السمكة XD ذكرتني بيوم السمكة اللي فرفرت مني XD ماهربت منك السمكة بهذا ؟ ومانطت لا يمين لا شمال ؟
    اختك ماشاء الله أقتصادية ♥♥♥ أحب الناس اللي زيها مترمش الوكال ♥♥
    حتى نحن مرات غدانا يقعد منه أندسوه لبكرى XD
    ……………………………………………………..
    ((شيربااص)) <_>
    ههههههههههههههههههههه
    علبة التدخين تصوريها رائع ماشاء الله كل الصور تصويرها روعة !! مصور مبدع !
    الا صورة الشماغ والكندرة XD أنا متت ضحك وريتها لماما قعدت تضحك XD
    خههههههههههههه
    سول ايتر كملتها ماشا ءالله XD <<ودي أشوف عنها تقرير هي مثل كود جيياس ؟_؟
    مع السلامووووش
    أحم أحم واحد واحد لا شكله المدونة تعدلت والحمد لله !

    • اهلوووووووووووش ^^ ..
      هههههههههههههههه مره ثاانهي اعزكم وارسل لكم حاافظه لليبيا ..^^”
      بس اخاااف تبرد وتصير ماتنأكل بس مو مشكلها حموها في الفرن ..هههه
      لااااااااا هذي كبيره شووي بس اني موازن يدي كانت تتحرك وااجد ..
      لكني ع طوول يكوون في حاافظه مليئه بالماء وع طوول فيها مايمديها تتحرك…
      ااايه اكيد اصلاً بالعقل مارااح احد يرميه ..صحيح ..^^” مثلنا …^^
      هههههههه صورت الشماغ والكندر صورت مثلها لكن انا بدال الشمااغ ..
      طااير في الجو ..هههههههه وصورت اشياء كثيره ارميها فوق واصورها ..
      باستخدام لقطه سرريع ..جرربيها تراا سهله بإمكانك ترجبتها في جوالك ابو 5 بكسلاات ..
      باستخدام مود لقطه ريااضيه ..^^”
      لا يختلف كليًا عن كوود جيااس … لكنه رااائع ..^^”
      مع السلااااااااااااااااامهووووش …<< مايعرف يقلد ^^"
      لالا خلاااص عقلت مدونتي اصم الله عليها جعلها الصلااح دوما ً ..^^"

      في حفظ المولى ..حيااك الله اختي مرمر.. ^^"
      كوني بصحه داائمه ..^^

  9. ذكرتني بـ اخوي وهو ينضف الدرج ويغسل الصحووون اسبووع واخذ عليهاا1000
    واحنا المسااكين انا واخواتي بنسسوي زيه نحسسب انا بنأخذ مثلله بسس احنا اخذنا شهر تقريبا اعطو كل وحده منا10 >>ههه والله راتب الخداما ت اعلى منا بسس يبوون يسكتونا بها ههههههههههههه
    المهم يووم قولناهم قالو المفرووض ماتاخذون شئ وقالوا بتاخذونا وانتم ساكتين ولا رجعوها اخذناها وسكتنا هههههههههه

    • ههههههههههههههههههه
      اهلا وسهلاً ومرحبًا ..
      ااااااللله 1000 ..والله اخوكم طمااع ..XD
      بس اكيد كرفتوه الاسبوع طلعتوا عيونه حللتوا الالف ..@_@
      ياختي انتم قدركم عاالي يعني الفلوس ماتسوى قدامكم ..
      انتم البيت بدونكم خراابه ..والله 10 نعمه يعني ..
      شي من بد الفساتين والبلاوي اللي تشرونها ..
      يعني حنا مساكين ثوب وعقال ..وع ااااللله ..يالله ياكرييم ..XD
      نعمه نعمه عيدوها يمكن يعطوكم زياادهـ ..XD
      حيــآآآكـ الله اختي ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s