جواآآل + شريحه = اكشخ واآحد في العالم ..

السلام عليكم ..

صبااحكم فُول وياسمين ..

>> الفول للاكل والياسمين للزينه ..

<< اما اللي يقرؤن التدوينه في الليل ماحد قالهم ينامون الصبح  ..

ولا يزعلون مسالخيررر ياجماعة الربع ..

توني جاي من شعبيات القريه عللليه زحمه ..اخووي بيفطر فول ..

يبي يهلوووس مع الصبحيه .. الله يديم النعمه مااحب الفووول سووبووحان الله مااحبه ..

احب اللي يسوونه هلي في البيت بو علبه ..حتى موب ذيك المحبه ..

لالا موب فول اسمه قلاآآبه ..خخخ قلاأأبه ههههه قلابه هههههه ..

ااسسسستغفر الله العظيم اسمه مادري شلون قلاابه مع اني اسمعه دايم ..

بس ماقد نطقته او فكرت انطقه قُلابه بضم القاف ..خخ والله وناسه ..

مااخذني معه عشاان لا ينزل من السيااره امممم الكسل زووول ..

واجهت المطعم وقفنا قبله لان زحمه قداامه والمشكله كللهم اجاانب ..يعني انا سعودي لحالي في المطعم يحليلي ..

افغانيه وباكستانيه ودخلت قلت السلااامو عليكم دار قومن مؤمنين .. وإليكم السلااامهييه ..بس ماشاء الله عليهم ..

كريمين يووم دخلت كانوا فيه طاوله قرب الباب شافوني قالوا تفضل ..قلت لهم بالعافيه عليكم الله يهنيكم ويزيدكم من فضله ..

بخلاااف واحد جالس في الزاويه ما رد السلااام يأكل ولا ينااظرني بنص عين كأني بأسرق تميسه من عنده ..ليه يابابا ..؟؟

ماعلي منه يمكن ماسمعني وانا اسلم لكن نظراته لي فيها شي من الرهبه .. الله يستر علينا وعليه ..

مووب كلللهم طبعًا .. ويمكن الصبح ماحد له نفس يتكلم فقط يحرك الفك العلوي والسفلي للاكل موب فااضي يرد علي ..

اذكر مره دخلت مطعم بخااري حق كبسه فدخلت سلمت وقلت هنهم ..وردوا كلهم وانت منهم تعال تعال تفضل تفضل حيااك ..

الله مير يغنيكم ويعافيكم .. كثر الله خيركم ورحم الله والديكم ..ماتقصروني كملوا عشاكم ..خخخ استحيت ومشيت ..خخ

اخجلوني بكرمهم انا بس كنت بشووف يعني هل العقول تتوقف عن التفكير وقت الاكل ..

يااااه زماان كنت اسأل نفسي وش جوت هالحديد ماادري هالقدوور ..

طللع فوول كنت افكر وش حقه ..بس علليه شكل مادري شلون ..

اثنين بسكوت وواحد تميس ..المشكله اني ماراح آكل خخخ ..شريت فطيره لوزين وعصير مشكل ..

بسكوت موب بسكووت بسكووت اكييد تعرفون الخبازين في كل مكان ..

فاتضح لي خواتي بياكلون والله طلعت عايش مع صعاايده كل يوم فول ..

بس ماشاء الافغاني هذا فيه قووه والله اشووفه كيف يمسك العجينه ..

قسم ياااهو كفخ العجينه تكفييخ طااع طيييع طااااخ بيديه لين تصير داائريه ..

هي في البدايه تكون كتله داائريه مدببه ثقيله ماشلتها بس احس انها ثقيله ..

ويبقسها لين تستوي بالشسمه هذيك الطاوله المهم الى ان يسويها بشكل دائري ..

هميين يحطها ع المخده ذيك نفس اللي في الصوره بعدين في التنور حفره تحت ..

انواع التميس : بسكوت – سمن – تميس عادي – أأ وش بعد – تميس بالجبن بالسكر ..واشياء كثيره ..

اليوم كذا طفشاان ودي اسوووي شي .. فطلعت وقلت اسوي تقرير بسيط

ومن الطفش ٍ ماقتل .. لكن الحمدلله ماقتل احد الى الان ..

لكن شسمه اييه شرريت جواآاآآل .. وشريحه ..

صرااحه ماكنت ابغى جوال لكن يقولون طلعااتك واجد لازم يكون معك اقل شي رقم ..

مثل كل سنه يشترون لي رقم وآخر السنه يقفل ..خخخ مااشحن ولا فكرت اشحنه ..

مانيب متزوج ولانيب خااطب عشاان يكون عندي جوال << فاهم الجوال غلط ..

صرااحه يوم شفت الجماعه كلووو نفر موولزمين قلت ابغى آآيفوون ..

دورت هالآيفون مالقيته مختفي امم القهر دورت له في البطحااء ..مالقيته

بعدين فكرت اخااف اشتريه ويطلع مقفول ع شبكه معينه ..او ملعوب فيه ..وسعره مرتفع جدا

التجار الانذااال يزيدونه فوق سعره بأضعاااف ولا ترا بالخارج رخيص سعره ..لكن طمع تجار وغباء مستهلكين ..

فأجلته وقلت نروح للخطه ب ..وشريت نوكيا E72 توهـ ناازل يقولون ..

صرااحه انا كل سنه يكون معي جوال نوع مره سامسونق ال جي سووني نوكيا .. واحب بعد الجولات القديمه ..

وكلها في الاخير الى مقبرت الجولات ..خخخ احب افكك الاشيااء كل شي من يوم انا صغير ..

كنت افكك ألعاابي ..خخخ واذا شالوا المفكات بالسكين افك المسامير ..واذا قفلوا المطبخ ..

بأسنااني اكسرها واشوف وش بدااخلها .. هوس منذ الصغر ..

لكن لاني انقطعت عن الجولات قلت هممم اخذ نوكيا ..فالموت مع الجماعه ارحم ..

كل اللي حولي نوكيا ومن خرج عن الجماعه مات موتت الجاهليه …خخخ

وعشاان الشااحن .. في كل مكان تلقى شاحن نوكيا بخلاف الجولات الثانيه ..

وقلت بعد ودي ابقي كمن قرش .. كنت ابي اي شي .. كشخه وتقني ويمشي الحال ..

اشترري به كاميرا احترافيه لاني اجمع الحين عندي حصااله ..

اتوقع تخلص الفلوس اللي فيها ونا باقي ماحطيت فيها شي

احب اشتري اي شي لكن بسعر معقول ..اكره شي عندي اطلع طلعه وارجع البيت مامعي شي ..

السنه هذي مااتوقع رااح اشتري كاميرا لان ماراح نساافر مكان ..

ولا انا فاضي اخاف تشغلني واجد ..احتاج شوويت خبره بعد وتغذيه بصريه عاليه ..

عندي كاميرا تمشي الحال ..^^” لا حياة مع اليأس .. والحمدلله عندي خبره بسيطه في المعالجه والتعامل مع الاضائه ..

بإذن الله راح تكون فيه تدوينه عن اللي اعرف واللي بإمكاني افيديكم به ..

هذا جووالي ..ورااح اوريكم بعض المميزات اللي فيه ..مالت ع التصوير الخايس ..

مشكله اذا كنت دايخ نوم ماعرف اصور ..والاضائه عندي خربانه وماعندي مثبت ..><“

صور اووضح واقرب ..

تصادم الاضواء غير من لون الجوال ..طبعا لونه اسود نفسه اللي فوق

اللي رافع ضغطي وشلون امسك الجوال ماعرفت له امسك بيدين ولا يد وحده ..

وتوووني اعرف انه فيه تتش .. وو تلاحظوون ..

وووش راايكم في المهايطي اللي في الصوره في خلفية الجوال ههههههه ..

الزين مايكمل ..اخذت صوره لي قريب قبل شهرين يوم كنت رايح لقياس ..

لبست عقال وكبك ونظارات وتكشخت ورحت مع اخوي اختبر قيااس ..

فمن باب تحليل الكشخه قلت اصور وبس والله لقيت ناس واجدين كاشخين ..

لكني اكشخهم .. واخذت الصوره وصممت عليها صوره تناااسب نفس لون الثيم ..

اما الصور اللي ع يساار صورتي مادري كذآآ لقيتها وقلت تصلح .. رومانصي ..

وهذي اول الملاحضات اللي كتبتها ..احب الملاحضات داائم اكتب فيها اذا كنت معصب ..

حسيت ان فيه ألف حرف والله اضييع بس الحين تعودت عليها حافظ امااكنها ..

وفيه كشااف زر المسطره اذا علقت عليه يشتغل الكشاف ..

لقيت في الاستديو حق الجوال صور حيوانات واصوات حيونات بعد ..

حااطين ضفدع يععع ودي انغز عيووونه ..

الى الان مااني مستووعب كييف امسك الجووال داائم امسكه باالتعليقه الللي ربطتها فيه ..

واهم شي الوايرلس الانترنت اللي في الجواال ..

كلها ماتعجبني عدا الويب عشان ادخل ع قوقل ومنه ع المدونه او ع المنتدى ..

اليوتوب يضيق الصدر باللي فيه ..يمكن فيه اشياء حلوه ومفيده ..

الفيس بوك مووب زيين نهاائيا كان عندي يوزر وحذفته واكرهه بعد ..

البقيه جميعها حقت سواليف ماادخل عليها الا كااني طفشان حدي .. اوسع صدري عليهم ..خخخ

أأأ مدير شركة موبايلي قصمنجي ؟؟؟ ..

اول مره اشتري شريحة موبايلي مااعرف لها بعد ..خخخ

لكن نجرب هالموبايلي وش بخسر ..عالم من اختياري

6 رساائل جت في وقت وااحد والله خفت مووب يعني خفت خوف أأ صار فيه اكساايتنق ..

<< وش رايكم بس .. يجي مني عنقليزي ..

يعني شي طاارئ عن العااده 6 رساائل ولا في عز الليل ..

لا حد يفهم غلط مانيب ارقم احد ولا مغازل ..

همم لو تلاحظوون 6 رساائل كل رساله جااي منها لغتين ..يعني بالاصح 3 رساائل ..

ماادري وش يبوون .. العملاء المميزين اللي مثلي يقدروونهم ..^^” تعلموا عشنا وشفنا ..

شفتوا وشللون يقدروني وااجد اعز عليهم .. هنا يكمن التميز ..

موبايلي عالم من اختيااري ..طن طااان ططن ..

حتى عارفين اني ماافهم يرسلون لي عشان افهم زياده حتى اتصلوا قال نجيب لك مدرس خصوصي ..

طبعا اكيد لا ماودي اكلف على احد ..

حتى يقولون بيعطوني 1500 ريال بس رديت عليهم قلت مايحتاج ..كل ترا مكتوب بالرساله ..

مااجيب شي من عندي ..تبوون وااسطه في موبايلي ماعندي مشكله ..

داااري

:::

أخيرًا ..

احبذ ايضًا شكر كل من افاادني في التدوينه السااابقه ..

شُكرًا بحجم السماء جزيلا بحجم الكره الارضيه  لكم ..^___________^

<< يقال قال شي خطير ..

وكلكم صفر من ثلاثين ..خخخ

وايضاً وايضًا اشكررررر ..

اشكررر من خلف الستار خخخ بعض الناس جزيل الشكر الله مير ينطيه الف الف عاافيه ..

صرااحه استحيت منه لكن شسووي والله طفشت ..

واعتذر له ع الاحرااج والازعآآج ..وقرأتها بدري الرساله ..

لكن انشغلت ولا امدااني ارد ..مو مشكله ..ششششششكرن ..

من كثر ماافتر راسي ونا ادور هالبكسل الكونوياارووه .. << كلمه يابانيه ..

لاني لاحطيت شي في راسي مستحيل اكمل حتى اتخطااهـ ..مستحيييل..

لكن هالبكسل احبط من همتي في التدويين حتى يوم كامل مادونت ..

وبعد كان فيه حفلة تخرج وخربت علي التدوين ماكان فيه وقت لكن والله ونااسه هالحفل ..

جمعت حلويات واشياء واجد ..لكن بعد جُهد جهيد .. نفخت البالونات حقت الحفل كلللها ..

عشان شسمه سووويت شي موب زين بالمطبخ ..ماكسرت شي ابد ابد ولا تقطعت اصابعي ..

خلص الاوكسجين عندي ..وكنت بسوي حلى ماعرفت .. جبت العيد في الاخير رميت اللي سويته ..وماحد درى الا اختي ..

ألوانها حلوه ..

كبر الوحده مثل كذآآ خللصت النفس عندي قمت اشااهق ..

مانيب متعصب كروي ولاهم يحزنزن كلهن آخر ثنين ..

كرررهت اللون الازرق ><” انفقعت وحده في وجهي وفجعتني قسم اني تفلت العافيه ..

انفااسي العطره وحبيبات الاوكسجين حقتي في هالبلونات الخايس ..

الحفله شييي ونااسه كلها كيك في كيك وحلويات وتصوير لان السنه هذي المتخرجين كثيرين .. عقبالي ..

وعمتي متخرجه من الجامعه .. جاايبه معها كتااب كبيير فيه اسماااء المتخرجين ..والله قعدت اقرأ في الاسماء ..

ادور اسمها ..جامعة الملك سعود الملز فيه كم جامعه في الرياض فيه ثنتين سعود في الرياض ووحده عليشه ووحده الملز …

بس والله شسممه كشخه الطاقيه هذيك اللي لونها اسوود لبستها قصم اني حسيت اني متخرج ..حقت المتخرجين ..وتصورت فيها ..خخخ

الموووهيييم …

:::

من المفنرض ادون يوميا لكن راح ادون بإذن الله من بعد هالتدوينه بشكل يومي او كل يومين .._ بإذن الله _

اهم شي رجعت للمدونتي وبإذن الله رااح يكون فيها شويت تعديلات وحركتات ..يمكن اغير القالب ..يمكن ..

التدوينه اللي بعدها رااح تكون عن تويتر ورااح استفديت من بعض المعقبين اللي لقيتهم هناك ..خخخ

تصدقون نفسي في عسكريم ابغى عسكريم ..برووح كون زون او باسكل روبنز موب هرفي ..

مطعم الخرفان .. خاروفي خارووفي لابس بداله صوووفي له قرنين واربعه رجول ..وش بعععد نسيتها ..

بروح اليوم اشتري عسكررريم وووشسمه ..

عندي سؤااال ..؟؟؟او في تدوينه ثاانيه ..^^”

::::::::::::::::::::::::::::::::::::::::::::::::::::::::::::

التدوينه : يوم الخميس الساعه السابعه والنص ..

الحاله المزاجيه : فيني نوم ونفسي اصمم

واطالع انمي سول ايتر :

::::::::::::::::::::::::::::::::::::::::::::::::::::::::::

ومع السلااامه ..^^

Advertisements
بواسطة فيصل

13 تعليقات على “جواآآل + شريحه = اكشخ واآحد في العالم ..

  1. أهلوووش ^______________________^
    ايوا لك فترة مادونت 🙂
    بس المطعم ماشاء الله نظيف مرة !! 🙂
    أي خبزة التميس كليتها لما جيت للسعودية كانت حلوة 🙂 وخصوصا اللي زي البشكوط 🙂
    جوالك ماشاء الله حلو يشبه البلاك بيري ^^ عليك بالعافية 🙂
    والخلفية مررة روعة 🙂 يي بي الانترنت وايرس :”(
    نحن هني ماينفع الوايرس في كل مكان لازم تكون جنب الواي ماكس عشان تفتح الانترنت >_>
    ومبروووك تخرج عمتك 🙂 والعقبى لك 🙂
    ننتظرك في تدوينات ثانية 🙂

    • ايوه اهلوووش << احب هالتحيه ..^^
      ^^" اايه صحيح ..اونتي ايضًا ..
      المطعم معروف بطعامه الشهي وآكلاته الشعبيه ..
      تميسه مثل البشكوط همممم ماافيه ؟؟ ههههههههه
      البشكوط يتكسر ويتفتت ..اما التميس فهو لين ومرن ..
      ااامكن تقصدين تميس البسكوت فهو يتكسر لكن مايتفتت هههههه
      بجديات ماتعرفين تشبهين ..ههههه مادري انا ماعرف الا بشكوط اولكر …
      اامكن فيه بشكوط يشبه ..^^"
      ششكرًا ششكرًا ..الله يبارك فيك ..
      وايضًا ننتظر تدويناتك ..
      كوني بالقرب دائمًا ..
      امنوره وخيتي ع التعقيب ..

  2. السلام عليكم ورحمة الله و بركاته

    أولاً انا دائماً بقرأ تدويناتك بس اول مرة بعلق عنجــد لما اكون ملانة بدخل مدونتك مسلية و مضحكة و روحك مرحة
    ان شاء الله دوووووووم يا رب

    المهم مبااااااااااااااااااااارك الموبايل واااااااو كتير حلو (^_^) انا متلك ما كنت احب الفول جديد صرت احبه برضوا مو كتير ,,,
    امممم اها اللبالونات يعطيك العافية حتى الف الف عافية انجــــــــــــــــــــــــــــاز

    دمت بخير

    • وعلليكم السلاااام ورحمة الله وبركااااته ..^^
      اهلا بمن اتانا بتحيةٍ وسلااااام ..ههه ^^

      أهااا كفشتي نفسك ..هههههه ^^”
      ششششششششششكرن اوووي ..^^
      الله مير يباارك فيك ويحفظك يارب ..هو الفول انواع ..
      وفيه انواع حلوه صرااحه وفيه انواع ياربي لك الحمد ..
      والاذواق تختلف بين آدمي وانساان ..خخخ
      لكن يسبب الهلوووسه ..^^
      لذآ ماتشوفين المدرسين اذا شااف طالب كذآ مفووت ولا هو يم الدرس ..
      قاله .. هييه وش فيك يابو الشباب مفطر فول ..ههههههه قد قالها لي مدرس ..خخخخ

      هههههههه إلا عقااب وتم إنجااازه ..ألحين اقدر اتنفس زيين والله خلص الاوكسجين ..
      شربت مويه فيها كم ذره اوكسجين ورجع التنفس عاادي ..^^
      حيااك الله اختي الاء كوني بالقرب داائمًا ..
      دمتي بصحه ..

  3. هنـآ و عـآفيــہ على قلب اخوكً و خوآتك التميسً
    شسمــہ ليش مـآ تحبـہ ! غريبـہ !!

    انـآ عكسك تمآمـآ أحب فول الي من المحلـآت امـآ الي في البيت ابو علبً مـآ احبـہ 😦

    :

    اقتبآسً [تميس بالجبن بالسكر]

    هذآ احلـآ تميسً و ربيً أحببببببببببببببببـــہ ض1 ق1
    طعمــہ يجي رآيق مع الشآهيً 😛

    :

    اولـآ نعيمـآ الجوآلً ق1
    مع اني كنت مفكره انك رىح تشتريً آيفونً
    بس يللــہ خيرهـآ في غيرهـآ

    انـآ اختي توهـآ رجلهـآ جآيبلهـآ [ آيفونً ] من بريطآنيـآ برضوآ
    مره حلوًوً عشآن كذآ تحمستلك فيــہ
    بسً مآ شريتــہ
    اهو تقريبـآ نفسً [ الآيبـآدً ق1 ] بالظبطً
    كلش نفسهً
    اللهم الآيفون فيه اتصآلً والآيبـآد لـآ !

    بس والله حوآلكً بطلً بعدً
    يعطيك خيره ويكفيك شره يآربً ق1

    ومبروك تخرج خآلتكً مدري عمتكً 😀 عقبآلنـآ كلنـآ
    بس احلـآ شيً ذي الصورهً > https://faisel4.files.wordpress.com/2010/07/150720102261.png?w=333&h=250

    لانهـآ نصرآويـــہ ض1 ق1 ق1

    :

    اقتبآسً [ابغى عسكريم ..برووح كون زون او باسكل روبنز موب هرفي]

    كأنك تقصدنيً =/
    شسمــہ مآ علي منكً . المهم الطعم مو المكـآنً ض1

    :

    طولت وآجد فيذآإ :$
    مير طمنـآ على سمتك عسى بخيرً !
    والعفوً مـآ سوينـآ شيً

    موفق اخويً ❤

    • الله يعافيك يارب ><" طيب ونا تر اكلت معهم لقمتين ..
      الفول انواع لكن النوع الرئيسي ماحبه اللي هو الفول براسه ..
      اما الانواع الثانيه مثل العدس فول تاوه وغيرها يعني احبها ع خفيف ..
      احب تميس الجبن بس ..مع عصير برتقال شاي مااشرب شاي ابد الا
      وقت معين موب اي شاي بعد اذا ماقلب لونه من السكر اللي فييه موب شاي ..خخخ
      وش نعيما شريت جوال مارحت لم الحلاق الله يهديس ..^^" الله ينعم عليك ..
      واللهي ان كنت ابشتري ايفون ونا لوطاح في ايدي الايفون بإذن الله اصير من المطورين له ..
      كان بودي ايفون ثر جي اس لكن سعره خيالي جدا ومرفووع اضعاف اضعاف سعره خارج المملكه ..
      ومانيب غبي استغل من تجار ..اذا اللاب حقي سعره مايتعدا 2500 ليه اشتري جهاز صغير وسعره اعلى من اللاب حقي ..فلو بشتري راح اشتري من برا المملكه طلبيه من موقع امزن لكن ماعندي ماستر كارد ..حاليا ..
      ففي النهايه اكثر الناس يشترونه من الخارج من برطانيا فرنسا الامكان اللي فيها الشركه ويختلف التصنيع الفرنسي عن البريطاني ..وفيه انواع لكن الاحسن ثري جي اس ..^^" راح اشتريه بسعره الاصلي ..
      الله يبارك فيك آآمين يارب عقبالنا نتخرج من الثانوي اول بعدين من الجامعه ..
      هههههههههههههههه ان شاء الله وشكرن شكرن شكرن ..

  4. اهنن فص فص((يقلون انها تدليعه

    مبروك الجوال واخيرا مابغيت
    يتربا في عزك وتكسره بالعافيه =)

    اهم شي انك صورت كل جزء من اجزاء الجوال احسه يقول ياخي فكني ماقد عمرك شفت جوال((برا

    ياقلبيه حامت كبدي يوم شفت قدور الفول مدري ليش تحوم كبدي منهاعلى اني مااكره الفول عادي يعني

    • اهنييييين نوير هههههههه ..
      الله يبارك فيك لا بس تكااسل وتقاعس ..
      آمين يارب ..
      هههههههههههههههههههههه
      من جد لا بعد ان شاء افككه لكم واوريكم وش حاطين بدااخله ..خخخ
      هههههه حامت مره وحده هههههههههه الله يصبرك ..^^”

      ردك كذآآ كامل احس انه نااقص اخبر انه وورد برس يااكل ردود المعقبين احيان ,,
      لاحضته في كثير من المدونات ..ان شاء الله معد يتعودها ..ونا عادها شلنا عفشنا وع بلوقر ..
      اهم شي المعقبين رااحتهم محظ اهتمامنا ..^^”

  5. ههههههههه ترا مدري اعلق ع ايش بالضبط ..
    دخلت ع انو جوآل .. قابلنـآ فول ، وبعدين شفنا الجوآل ، وبعدها حفله ومدري وشو خخخخ
    عليك آسلوب شي ^_^

    – صحتين وهنـآ عليك اللوزين والعصير المشكـــل <- آحسك مدمن عصير مشكل هههههه
    – مبروووكـ الجوآل والشريحـة ، وتتهنا فيهم =)
    – مبروك لعمتكـ التخرج ، والفال لك ان شاءالله ، [ وردة ] هع

    ها بشر كيف نتيجة قيــآس ؟ 😀

    • هههههههههههههه تدويناتي كلها اربعه في واحد
      خمس في واحد يعني ماتكون تدوينه منفصله الا اذا في شي كبير ..
      او مناسبات عااديه ..لذا دائم اكثر المعقبين والزوار يحتارون ..^^”
      ان شاء الله اني شسمه احاول اني اوحد الموجه في التدوينات القادمه ..
      عصير موووشكل هههههه لا بس تعرفين التشكيل حق قوقل اللي في مدونتك ..
      كذا جاء معي تشكيل ومشكل قريبه الاوزان ..ماشاء الله عليك واضح عليك
      متميزه في ربط الاحداث ..الله يعاافيك ويباارك فيك يااارب …
      هاااه خيااس عفوًا قققياااس والله مثل مااهي نفس الاولى وزاادة ثلاث درجات ..
      هي حظ من الله ونا حظي المحتااس ..الله يعين باقي لي فرصتين ..
      بإذن الله نصك 99 ..^^
      سعيد جدا بوجودك بمدونتي اختي سااره حيااك الله …

  6. سلام عليكم..!

    بالعافيه عليكم ^ ^

    كويس ما مت لما نفخت البلالين.. احب اللون الازرق لانو اتفقع على وجهك :P<<<شريره..

    المره الجايه انا اول الحاضرييين 😀

    ننتظر جديدك ^ ^

    • بشبووشه ..<< كأني عجووز ..

      حيااك الله اختي bsbosa ..
      ذكرتيني بحلا البسبوسه مع القهوه ..^^"

      الله يعاافيكي يااارب ..^^

      هههههههههههه لا باقي حي ..^^" هههههههه شريره اوتشجعين الهلال ..؟؟$_$ اعترفي ..^^"

      ايوووه اتفقع احب هالكلمه اتفقع على وجهي ..هههههههه اتفقع ..قولي انننفقع ..
      حياااك الله اختي بسبووسه ..^^
      جديدي بالاعلى اطلعي فووق وطالعي يساار تشوفين تدوينات جديده ..
      وببس .. اتمنى لك وقتًا سعيدًا ..

      أسعدني مرورك اختي بسبوسه كووني بالقرب دومَا ..
      دمتي بصحه دائمه ..^^

  7. السلااام عليكم ورحمه الله وبركااته
    اووول شئ مبرووك على الجوااال
    جواآآل + شريحه = اكشخ واآحد في العالم ..<<هههه اعجبني موضوعك
    والفوول يارب لك الحمد شئ لازم ببيتناا انا من شكله اتقررف
    بانتظاار جديدك
    (=

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s