هلمي إلي ياسمكتاااهـ ..

السلااام عليكم ورحمة الله وبركاته ..

مساائكم / صبااحكم حبحب وبطيخ  ..

اليوم عندي شهيه كبيره في الاكل مير بس آكل فهالنعمه لي يومين ماكلت ..

فلقيت حبحب في الثلاجه  من بعد الغداء وخذيتها وكنت اصور فقلت ناخذ له صوره ..برج المملكه ..

فقلت اكتب هالتدوينه .. قبل لايجيني النوم ..

وراح اكتبها وبعدها اشووف Darker Than Black ..

::::

شريت سمكه ومثل ماتقول اختي الصغنطوطه شمكه ..

رحت مع اخووي مشغله سوااق عندي خخخ .. مسكين بوعابد يخاف ع موتره من فيصل ..

اييه سمكه بيضااء فيها رقعه برتقااليه ومكحله ببرتقااالي مختااره بعناايه تاامه وكل احترافيه ..

وش راايكم بالتصووير ..؟؟ قصدي وش رايكم بسمكتي القميله ..

تصويرها صعب مااتثبت تتحرك واجد كنت بمسكها واصورها لكن خفت تنصرع ..

اايه سوويت لها جدول بسييط ..

بالنسبه للوجبات ثلاث ومع القهوه والشاي والشابوره <<  : 

الفطور قطعت خبز بالجبن وقطرتين حليب ..اوعصير ..

الغدااء ثلاث حبات رز وقطرتين حمضيات ولا اربع ترووق شووي ..

العشااء همم الى الان ماادري .. وش راايكم بس ؟؟

كنت افكر بالتونه فخفت تصير سمكه شرسه في المسقبل تكبر وتصير قرش ..

فاسبعدت التونه وانواع اللحوم .. مع ان الهندي عطااني علبه فيها جريش مادري يشبه تقريبا ..يقول هذا اكلها ..

مايحتااج لازم اعودها ع الاكل الصحي ..

وش رايكم اخليها تسبح معي في البانيوم  لا لا لالا لا مستحيل ..

ااييه رااح اخذكم في جوله في سوق الغنم قصدي اسوااق التحسين بالرياض

او سوق الحمام بالرياض بفتح الميم ..واختلف العلماء ..

اول مادخلت واجهت صندووق مليان فروخ دجاج < صوص > وش جمع صوص ؟؟ مشوها صيصان

اييه تشوفون اللي عليه سهم لونه ازرق هذا صوص نجح في النحشه ..

دفعه جديده كنت بأشتري لكن تذكرت المااضي فاامتنعت عن شراائها مع انها الواحد برياال ..

وماايعض ولا يسوي شي ..صوص مسكين .. مير يراكض ويونس ..

المااضي انذآآآ بااست .. صح علي او ذا لوست ..اللي هو .. ماضي شين ..

اييه كان يامكان يحكى في قديم الزمان وسالف الاوان بزر يدعى فيصل  كان عنده صوص لونه اخضر ..

حبًا للوطن اللون الاخضر وهذا سبب اختياره .. اايه وكان عندي سياره ونيت ام صندوق ريموت كنترول ..

وكنت اركبه في الصندوق وادووج فيه في السطح وافحط به ..ففي يوم غزني ابليس اني اشطفه بالسيااره ..

فلاحول ولاقوة الا بالله صدمته بالسيارره ونزلت لالا وش نزلت رحت له ركض واشيلله يووه لااا صوصي لاااا

قعد شوي وماات .. متأثرًا بالصدمه وبعدها ضااق صدري ولا عاد سقت سيااره ريموت كنترول بعدها..

كنت باصيح ومسكته ورميته من فوق السطح لبيت الجيران.. من الضيم اللي فيني ..

والتخلص من الجثه .. ويسألوني وين الصوص حقك اقلهم في صقر خطفه ..<< ام التصريفه البايخه ..

واستمريت ايام وليالي بتأنيب الضمير ..

علمت جدتي بالسالفه عطتني ريال تقول تصدق عنه..

وتلقاه في الجنه ان شاء الله ينتظرك وتلعب معه مره ثاانيه ..

وبعدها ارتحت وشريت بالريال ببسي .. لالا آآمزح تصدقت به ..

دايم جدتي عطووفه علي .. بس اني هيس .. راعي مشاكل ..

الله يحفظ جدتي من كل شرر ..

وهذي عن قرب بس من الدفعه الافقيه ..يووه كثييره ..

ابغى صوص اخضر ..

شوفوا النظام كيف كأنهم في مجااعه يذكروني بالطابور عند المقصف في المدرسه..

قديمين اللي يصفون طابور يازين المساقط ..

تمنيت اني معي كاميرا وقتها احس ألونها حلووه .. بس وش راايكم بالتشبع اللوني ..

زحمه دنيااا زحمه ..

اايه هذي فيراان مادري جرذان الهندي مسوي ذكي يقولي هدااا هاامسترااا صديق ..

نصااااااااااااب قبل امس ذاابح فااار مثله في ببيتنا مااغطه بالرووب حق المطبخ حق الطبخ ..

لقيته عند قطعة بسكويت يقرط فيها .. واعفط الرووب وألفه زين واامحطه فأخذ يترنح صريعا ع الارض .. يمديكم ؟؟

بس هذي شوي ألونها حلوه اما اللي لقى حتفه اسود خاايس ..لونه يسبب القشعريره ..

ارانب عاطلين عن العمل ..احسهم مثلنا لا تسدحنا عن التلفزيون ..

هالارنب المهاايطي يطالعني بنص عيني كأني انا اللي بالقفص موب هو ومن الهياطي ماقتل ..

والله يالارانب نفسياات مادري كيف لكن لقيت واحد غير اللي بالصوره كذاا ابيض وعيونه حمر ومعصب شكله ..

سيمااهم في ووجوهيهم .. اما اللي في الصور الملل والطفش في عيونهم ....

يبغى يطلع بأي طريق او انه ملقوف يبي يتصور .. احس انه خريج سجون وتاب الله عليه  ..

ودي اشتررريهم اثنينااتهم .. صغنطوطين ..

احمم ولد عييب .. قلت للهندي يفرقهم .. يقول ماافييه والله ماافيه هذا هووب مادري شسمه ..

وشو هوووب ؟؟ اايه قلت بااشتري الابيض قال ماافيه والله ماافيه لازم اشتري اثنين نفر زووز ..

وشو زوز بعد … يمكن يعني زوج… هماار كبير .. لوتكلم هندي كان فهمته ..

والله الهندي موب سهل .. يتابع افلام  واجد ..

ويقول انت اشتري نفر هذا نفر ثااني سووي ذبح .. موت ماافيه هووب .. ألعب ع غيري ..انت وضروسك ..

يحسبني بااصدقه واشتريها الاثنين اصلا ماابغى اشتري نهائيا لكن كذا شطحه يوم جيت رايح قال خلااص خذ نفر واحد ..

نصااب كبير يقولي ذبح ذبح ..يحسبني كمختن صقعاء مثله .. بشتريهن ولا فكرت ..جاي اشتري شمكه ..

اوااااهـ هذااا اللي ابغى اشتريه ..في المستقبل بشتريه ان شاء الله ..وحدن لي ووحدن لام العيال ..

سألته عن قيمته قال 600 الاثنين زوز .. ممسكين ع زوز متعلمينها من بعض ..قلت له قل جيم قال زييم ..جيييم زييييم ..

مانفع  فيه عجزت اعلمه سحبت عليه صحيح انها غاليه لكن في المسقبل راح يكون عندي مرتب ..واشريهااااا

نذااااله يوم  جيت اصورهن وخروا .. همممم وين الشوزن قصم لالقطهن واحدن تلو ااالاخر ..

القفص الذهبي ..<<< لا تفلها واجد

ياطيور الفرح هني وانشري الخبر .. قولي قلبي انشرح لاحلى افراح العمر ..<< لا يكثر

زحمة دنياااا زحمة .. غرريبه هالعصاافير يتضاربون ع المنتصف .. سبحان الله ..

اوني قايل لهم بصور اول واحد يجي بالمنتصف .. رااح افكر اشتري خمسه منها ..

الابيض شكله نظييف ومرتب  عجبني  .. ^^”

يااالله العصافير الاستراليه .. كان عندي اثنين منها اذكرهم متى مايبغون يطلعون من القفص ويرجعون ..

يعني مره ماخذين راحتهم ..اصواتها راائعه جدا .. تراانيم جميله مع كل إشرااقه ..<< ناايم الله بالخير مادريت عنها ..

كل شي بشتريه ماشاء الله علي طاايح ع بنك ..

كثييره الاقفااص ..

غثيث هالببغااء اعووذ بالله تصدقون ازعااااج بس مريت وقلت له هي انت احسبه يقلد يتكلم ..

ومديت لسااني عليه وحقد علي قاام يقول عاااق عاااااااااااق صوته مززعج ..

شين الببغاء يعض مره عضني .. بس ماتوجع .. لا عصب الببغاء عيونه تصير لونها اصفر مادري شلون ..

ووجينا الى هدفنا الساامي .. اللي هو نشتري سمك .. السمك انوااع واشكاال ..

بعدين وش عرفني بالسمك ادور بس شكل وسعر مناسب ..

معذوور والله عاايش في الصحرااء .. ماقد شفت سمكه ..

وما توقعت ابد اني رااح اشطحه هالشطحه الاليمه فيصل يربي سمكه .. مسالخيير ..

مسالنور عادي انا انسااني دنمقرااطي ..مير احب اجرب كل شي ..الحياه تجاارب

مالقيت سمكه صفراا ..

اسمااك قرش صغيره ..

اخوان وخوات وعمات وخالات سمكتي ..

كنت بااخذ من هالنوعيه من السمك صغيير وحلو شكلها ..

لكن شفتها عددها قليل فتوقعت انها تموت بسرعه ..

السووق كبير واسعار واحجام السمك متفااوته ..

طبعا مافي اضائه زرقااء .. انا مضيفها من عندي  .. ..لان اضائتها كانت بااهته شوي وتوجع في العيون ..

سمكتي اذا كبرت بتصير مثلهم .. ..

من هنا اخذت سمكتي ..شرريتها وحده لي ووحده لاختي ووحده لاخوي ..كل وحده بخمسه ريال ..

لكن اخذتها ثلاثه بعشره .. سويت مثل ام خمااس قاعد اقله كم آخر آآخر كم كم آآخر ..من 15 إلى 10

عطانيها في كيس الهندي الخبل .. حسيت انها لحمة العيد .. شريت لها شسمه ذااك حوض صغير بس مامداني احطها فيه ..

الله يخلي ايام اول علبة حلاوو جوااهر .. العلبه الكبيره عبيتها لها وسكنتها فيه ..

بعدها ماتت سمكات اخواني وخذيت الحوض حقهم … الله يرزق من يشاء بغر حساب ..سبحاانه ..

سمكتي الحين معززه مكرمها في فلتها الجديده حتى حاااط لها خرز يعنني مزينه مسووبي شي .. وحاط ورده بس تطفوا فوق ..

ونا راايح السياره لقيت هالدولاب قدامي ..قصم كنت بأطب فيها واسدحها ع الرصيف وابقسها لين تطلع ريالي ..

مع انها موب هي اللي سرقت ريالي لكن تشبها ..

مكتوب عليها عطشاان ؟

اييه والله عطشان ..لكن موب علينا لالا منيب عطشان موب كل مره تلعبون علي ..

:::::

اييه سؤاال اليووم إعزاائي المشاهدين والزوار والمعقبين ..

تعرفون اني ثور الله في برسيمه في الاسماك ..

>> دقيقه الا اعرف الاسماك اعرف الهامور والشعور والروبيان وبس ..هذا اللي تجي في وجبة الغداء ..

لذآ اتمنى منكم الاجابه ع الاسئله التاليه ..باختيار الاجابه الصحيحه من بين الاقواس ..

1- هل الاسماك الصغيره تعض ؟؟ 

2- وهل يعني هل كيف وسوف لازم يتم تغيير الماء كل يوم او يومين ..او كل تسع سااعات او زمن معين ؟؟

3- اذكر بعض الاضافات التي يمكن اضافتها في حوض السمك ؟؟

4- أأ هل للسمك أكل محدد ؟؟

5- هل السمكه تأكل الخس ؟؟ << ماجربت لكن بجرب ان شاء الله …

6- أذكر مايمكن ان تفيد به فيصل عن تربيت السمك ؟؟ << هالسؤال عليه 25 درجه ..

اايه بعد وشلون اعرف ان السمكه حرمه ولا رجال .. ؟؟

ابدو بالحل ولا تستعجلون في الاجابه وتمقلوا في الاسئله جيدًا .. مدت الاختبار ساعتان ونصف  ..

جااوبوا ع الاسئله اللي تعرفونها  ..

و.إلى لقااءٍ قريب يتجدد بتدوينه جديده ..

كونوا بخير اينما كنتم ..^^”

Advertisements
بواسطة فيصل

10 تعليقات على “هلمي إلي ياسمكتاااهـ ..

  1. الله فله سوق الحمام اسمع عنه يس ماقد رحت له
    يجنن الهمستر حرام ظلمته هو وين والجرذي وين

    احلى شي زوز ههههههههههه والله توحفه هالهنود
    كذب على مستوى راقي مايمديك انت

    ياملحها سمكتك تتربا في عزك ان شالله =)

    حليت الاختبار ان شالله صح

    1- هل الاسماك الصغيره تعض ؟؟
    لا اصلا مالها أسنان
    2- وهل يعني هل كيف وسوف لازم يتم تغيير الماء كل يوم او يومين ..او كل تسع سااعات او زمن معين ؟؟
    ايه لازم تغيرها كل يوم او كل ماشفت ان المويه وسخه((خبره
    3- اذكر بعض الاضافات التي يمكن اضافتها في حوض السمك ؟؟
    حصا ملون وقواقع واشجار بلاستيكيه((عشان تعيش الجو
    4- أأ هل للسمك أكل محدد ؟؟
    مدري عنها بس أنا اعطيها الاكل اللي يعطينياه راعي المحل
    5- هل السمكه تأكل الخس ؟؟ << ماجربت لكن بجرب ان شاء الله …
    لا مااتوقع خخخخ
    6- أذكر مايمكن ان تفيد به فيصل عن تربيت السمك ؟؟ << هالسؤال عليه 25 درجه ..
    لاتنسى تغير المويه
    ولاتنسى تعطيها الأكل بس اذا حطيتها الأكل حط شوي على قدها عشان ماتموت
    اايه بعد وشلون اعرف ان السمكه حرمه ولا رجال .. ؟؟
    كان سألت راعي المحل ابخص

    • هههههههههههههههه
      الهمستر ..العالم الحين طاايحين فيه ..يقولي اتنين زوز 25 ريال ..
      انا اعجبتني لكن في قفص ثااني نوع ثااني من الهمستر بس ماصورته ..
      شووي كذآآ ريشه حلوو وألونه احلى ..لكن اخااف اشتريه وينحااش ولا عااد اشووفه ..

      هممم نشوووف الحل ..O_o”
      اوما مالها سنوون طيب عندها ضرووس ..
      وشلون تمضغ الاكل ..ماتغص او تكون اللقمه كبيره شووي ..
      توني مسكتها اشووفها صدق طلع ماعندها …

      دقيييييييييييييييييييقه الاكل احط شوي عشان ماتمووت ..
      ليه اذا كثرت تمووت ..اووووش ألححححححق …
      لايكون ماتت سمكتي ..توووني حااط لها نص العلبه عشان لا كل شوي
      اقعد أكلها ..يخررب بيت اهلها لو تموت شاريها 5 ريال ..^^”
      نسيت اسأله ..^^”
      الله يعطيك العافيه اختي نوره ع الافاده الراائعه ..
      هممم اعطيك 27 ونص من ثلاثين ..يعني 28 ..
      النصف رااح يجبره الكمبيوتر ..×_×”
      >> متعقد من الانصاص ..
      حياك الله اختي نوره ..

  2. هلـآ
    شسمــہ ع البركـہ [ السمكـہ ] تكبر ان شٍـآء اللهً
    والله حلو لونهـآ
    اول مره يعجبني ذوقكً ض1 < استهبلً

    :

    اقتبآسً [العشااء همم الى الان ماادري .. وش راايكم بس ؟؟]

    لـآ خلهً قرصـآن على لبن أحسسنً 😛
    وش ذآ الـأكل الله يصلحكً بسسً . مفروض مـآ تشتري ان حيوآنـآت حدك سيكلً XDD

    :

    اومـآ الصوص
    رحمتــہ يـآ مجررمً ض1 شسمـہ سلميل على جدتكً مير ق1
    واذآ بتشتري صوصً مفروض مـآ تشتري أخضرً
    غير اللونً خله أصفرً عشـآن النصرً ض1 < بتنشـآت 😛

    :

    طيبً استآذ < تأثرتً
    شسمـہ الـإمتحـآن الدرجه من كمً 😀

    |:

    1- هل الاسماك الصغيره تعض ؟؟
    لـآ خذ رآحتكً معهـآ موب عآضتك ولـآ شيً

    2- وهل يعني هل كيف وسوف لازم يتم تغيير الماء كل يوم او يومين ..او كل تسع سااعات او زمن معين ؟؟
    بالنسبــہ لنـآ احنـآ نغيرهـآ كل يومً

    3- اذكر بعض الاضافات التي يمكن اضافتها في حوض السمك ؟؟
    قصدك يعني لنفس الحوضَ
    احنـآ نحط احجـآر صغيرهً وكبيرهً يعين أحجـآم
    حطهـآ في الزوآيـآ وكذآ تعطي شكل حلووً

    أمـآ الخرز احسه صعبهً صغير مرهً أخـآف تبلعه ض1

    4- أأ هل للسمك أكل محدد ؟؟
    نعممممممممممممممممممممممممممممممممم وتحتهـآ خطً أحمر بعدً
    يصير في علبهً كذآ زي اورآق صغيرهً < حدسً الوصفً 😛

    5- هل السمكه تأكل الخس ؟؟
    لـآ

    6- أذكر مايمكن ان تفيد به فيصل عن تربيت السمك ؟؟
    احسبهـآ حسبــہ ولدكً
    ترآ هـآ في ذمتكً < فيس يقول يآرب مآ يرجعهـآ بكرهً ض1

    اكيد انك عآرفً وشو المطلوبً
    بس اهم شيً المويه و الأكلً هذآ اهم شي بالنسبه لهـآ

    وبمـآ انك في ثآني ثآنوي علميً بعدً تذكر الكيميـآء صحً
    شسمه لـآ تحط الحوض عند الشمسً

    اايه بعد وشلون اعرف ان السمكه حرمه ولا رجال .. ؟؟
    اسألهـآ < برآإ

    |:

    • أهلييين ^^”
      الله مير يباارك فيس ..ايه ان شااء الله وتصير سمكة قرش ..
      هههههههه تستهبلين يعني ماعجبك خخخخ ..
      قرصاااااان ولبن ماااتصلح ..قرصان ولبن تصلح في الفطور ..
      اوووماا سيكل مااعرف للسيااكل الله يهديس ..^^”

      آقتباس [ اومـآ الصوص
      رحمتــہ يـآ مجررمً ]

      لاااا لااا اانا برئ برئ هو اللي جاا قداامي شسوويله هو اهبل من كثر ماافتر داخ وجا قدامي ..
      اييه يوصل لا لا اووما يوصل ..هااه منهي ضي هاااه منهي ضي ياولد وبأقرب فنجال ..
      تبين تودينا بدهيه .. تخيلي يوصل ..خخخ يوصل يوصل لكن باسم مستعار ..ههههه
      اللون الاخضر انا انسان احب الوطن واحب النصر دام كحيلان موجود ..
      حتى لو شريت اصفر راح اخططه بأزرق ..لالا افضل الوطن ع النصر ..

      الامتحان سلمك الله من 30 ..
      همم نشووف هالسوسه شحاله لنا ..^^”

      لالا إلا تعض .. ههههههههههههه
      واحمل ُ رووحي ع راحتي ..

      همم كل يوم وكل ماتوسخت ..ممتاز … تمام اللي بعده ..

      اووما حجاار ياليييل من اي برحه القى فيها احجار صغيره وكبيره ..
      بس توسخ المويه الحجار ..تنفع قطع سرااميك ..
      والله يبيلها اجل ..
      هاااه تبللع لالا خرز ماخذه من بلوزة اختي الصغيره خرز كشخه وشوي كبير ..
      بس يمكن تبلع بعد ..لاحوول والله السمك مشرروع فااشل ..

      ايه عني علبتين منها هههه بس مايصير كنت اخاف تخلص ..
      ايه اورااق صغيره مثل الجريش ..موب ذا النوع الثاني من الجريش او القرصان له اسم ..
      رييحته خااايسه ..كععععع ..كنت باعطره بس خفت يتسمم السمك ..
      لا ماشاء الله عليك وصفك دقيق جدا ..لله دربك ..

      ولييه لاااا موب من الكائنات الحيه ..لازم تأكل خس مثل العالم ..
      حتى الحمار يأكل خس .. صارت على سمكتي ما تأكل خس ..O_o”

      اووما ولدي تووني في عز شباب حرام عليس ..لااا لااا
      وين ولدي فيه الله يهديس انا قد المسؤليه بس موب من لحمي ودمي ..خخخ

      ذمتي اجل مستعد اتبنااهـا ..^^”

      همم مويه والاكل ..الله يعنني عليها ..^^” متى افضى لها بعد ياليييييل ..

      آقتباس [ وبمـآ انك في ثآني ثآنوي علميً بعدً تذكر الكيميـآء صحً
      شسمه لـآ تحط الحوض عند الشمسً ]

      اييه لا والله مااذكرهاا خخخخ ..
      ليه مااحط الحوض ولا اعرضه للاشعة الشمس ..
      الشمس تمدنا بالطاقه ..
      الشمس مهمه لجميع الكائنات الحيه ..
      لعملية البناء الضوئي وماادة الكلوروفيل اايه نعم احم احمم
      العلم في الراس موب بالقرطااس يابنت ..<< خخخ والله ماافي رااسك …
      آآمزح آآمزح صحيح كلامك ماشاء الله عليك واضح انك مذااكره زيين ..
      ههههههههه ان شاء الله ..
      اسعدني تعقيبك اختي ضي ..^___________^
      سيري ولا تقطعين يابت "..
      وانتبهي لعيونك من الاي باد …خخخخ
      جميع عملاء شركة آبل ماكنتوش جااهم قصر نظر ..^^"
      دمتي بود ..^^

  3. ههههههههههههههههه
    والله السوق مرتب وجميل
    أعجبني منظر الكتكوت XD كان رائع أحببت اللون الازرق ^^
    أما عن الهامستر كانت نبي نشري واحد في الفترة اللي فاتت لكن ماما لم تسمح لي بهذا تقولي شن تبي في فأر وأنا أقوللها والله ماهو فأر هو مهجن بين نوع من الفأران والارانب لكن مزالت ماما غير موافقة >< وخصوصا إذا كانت هناك العديد من السماكات في الحوض فيختلط الاكل بالاوساخ فتأكل السمكة ولا هامها شئ XD
    5- هل السمكه تأكل الخس ؟؟
    لا تأكل الدود اللي في الخس < P:
    6- أذكر مايمكن ان تفيد به فيصل عن تربيت السمك ؟؟
    أمم أنتبه وأنت تغير الماء الحوض لاني مرة كنت أشيل السمكة بالمعلقة بتاع الشربة فكانت السمكة تقفز ووقعت فأصبحت ألحقها وهي تقفز وتنطط وتزحلق وكانت شوية وتموتXD
    وإن شاء الله تكبر سمكتك وماتكون نهايتها زي سمك خالتي XD

    • ههههههههههه
      اما مرتب وجميل هذي كلمتان برئتان براءة الذئب من دم يوسف ..
      بريئتان من سوق الحمام ..^^”
      الكتاكيت جميله بألونها لكنها للاسف تمووت ولا تصبح دجاجه ..^^”
      من جد شن تبين به نسخه من الفأر ..هههههه صحيح مهجن ..
      لكن اذا هرب عليك ماتوقع راح يرجع لك ..^^”
      وهو حركته كثيير جدا ..يتحرك واجد ..
      أأ الدود اللي في الخس ..اجاابه منطقيه ..خخخ
      هههههههههههههه بالملعقه حقت الشرربه ..
      انا بالمقلاة حقت الزيت ..هههههه اما الان تأكدت انها ماتعض
      فصرت عااد امسكها بأيدي …^^
      ان شااء الله ..^_____^
      اشكرك ع الافااده وتعقيبق الراائع ..
      دمتي بصحه دائمه ..^____________^

  4. :
    ما شاء الله
    : وش ارد عليه وش اخلي
    :
    سوالفك حلوووه يا فيصل
    ومبروك السمكة المكحله هههههه
    :
    وتتربى بعزك …
    :

  5. ههههههههههه

    خذ رااحتك ..^^”

    هههه كحيلة العين تسلم عليك ..خخخ

    آمين .. حياااك الله اخوويه ايااااد ..^__________^

  6. ربي يسعدك ..~

    ماشاء الله عليك اسلوبك عفوي وجميل ^__^

    يووووه ذكرتني بسمكااااتي اللي اجرمت فيهن..

    ” كاترينا و قونو ” << وحده متأثره بالإعصارات لووول

    وحده برتقاليه و الثانيه سووده..

    قلك كنت بأنظف الحوض و حطيتهم في طشت فيه موويه <<اجل رمل؟؟

    و قمت مسكت ذيل وحده منهم و مسكينه حاولت تفلت مني تحرك بقووه وانا اضحك نياهاها..
    ماقعدت إلا كم دقيقه رحت وجيت ولقيتهآ تطفو 😦
    حسيت بتأنيب ضمير..

    مشكله الضمير لما يكون نايم وقت الإجرام 😦

    ماعندي خبره في الاسماك لأنهم ما قعدوا معي فتره طويله..

    ^__^

  7. ويسعدك يارب ..^____^
    اشكرك ..

    اووماا كاترينا وقونو اسمااء مكسيكيه كااترينا وقووونو ..ههههه بس حلووه ..
    كان عندنا سوداء حقت اخوي وماتت ..

    ههههههههههه نفس الشي في البدايه ماعرف امسكهم ..
    لكن اخذتهم بالصفاايه او بالملعقه الكبيره حقت القلي ..خخخخ
    لكن الحين عاادي تجي عندي عشاان امسكها تعودت ع الروتين اليومي ..
    هههههههههه كان سويتي لها تنفس اصطناعي ..
    زي سمكت اختي ع وشك تمووووت خلاااص حتى قلنا ماتت ..
    نقلناها في مويه بارده وبدأت ترجع تدريجيًا ..خخخ
    خخخخ صحيه .. نفس الشي كانت ثلاث سمكات وماتت ثنتين وبقيت حقتي ..

    حيااكـ الله اختي هاااله ..
    دمتي بصحه ..^_______________^

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s