سرقواا رياالي ..!! ><"

سرقووووني شركة ببسي ..

سرقوا آخر ريال كان في جيبي .. برفع عليهم قضيه ..

كنت في مستشفى  بالرياض .. << امحق مستشفى

اييه وادارة المستشفى مسؤله عن رياالي بعد ..

جاني عطش غير طبيعي .. ..

وشفت ثلاجة ببسي ..قلت هذا وقتها اروي عطشي ببسي ..

مكتوب ريال واحد بس واصلا ماعندي الا ريال فقلت اجرب ..

الحياه تجارب ..

فالمكينه اللي هي الثلاجه بلعت ريالي ولا رجعته ..

والله حاولت واااجد عشان تطلع الريال عيت تطلعه..

وانتبه شوي الناس يطالعون فيني والله فشله ..

آآخر شي قاعد ادور في المستشفى عطشااان وحران ومنتهي  .. ..

شوفت برااده بغيت انهبل  اتوقع خلصتها .. عبيت التانكي والتانكي الاحتياطي ..

المشكله الواحد لاصاار عشاان يشرب مويه في غير عقله ..

حتى طلعت شبعااان مويه شبعااان ..حسيت فيني التخمه من كثر ماشربت مويه ..

وجلست في استراحة الرجال انتظر ..اشوي اخوي داخل مادري وين كان فيه ..

كنت بعقد معه صفقه يعطيني ريالين واذا رجعنا اسوي له سندويش شكشوكه بالجبن ..

الصفقه انلغت يوم شفت البراده  .. جايب لي مويه .. قلت بدري بو الشباب ..طبعا ماشربتها ..صورتها ..^^”

الانتظاار شييييييين انتظر يفتحون موعد الزيااره لاطعيني نص ساعه ..

وعشان اطرد الملل قعدت اغني .. وخووي يطالع فيني يقول ذا مسخن فيه شي ..والله مليان مويه ..

مليان مويه مليان و المويه تسيل بين الوديان ..ارجوك لاتعذبني …جايب لي مويه والله يوم شفت المويه بغيت انفقع ..

وبعدها خلاااص ولا كلمه بعد شربت والله وااجد ..

عاد في منصه قداامي ماادري وش حقته قاعد استهبل ع اخوي ..

ونااقز عليها واقول ايها الحفل الكريم ..تعطيكم شعور والله ونااسه ..

شوي جا حق الامن السيكورتي قااعد ينااظر ويضحك ..خخخ

وبدأت الزيااره .. وخلص الانتظار ..

اذا بتشترون من الآله حقت الببسي لازم تحطون ريالاين .. ريال ينطح ريال ..

وعطشت جااني عطش غير طبيعي ..
Advertisements
بواسطة فيصل

8 تعليقات على “سرقواا رياالي ..!! ><"

  1. آآمين ^^” والله هي اللي بدت سرقت ريالي ..O_o”

    خمسين ريال .. 50 ريال سعودي ..
    اطلعها من عينها ..
    قصم لأخذ الثلاجه لبيتنا افككها واخذ خمسين علبه وعلبتين غراامه ..خخخ
    وارجعها ..بس والله تخوف يوم تحط الريال في المكان المخخصص فيه ..
    تحس انها بتفرم اصبعك مع الريال … O_O ..

    فمان الله رافقتك السلامه … ^^”

    حيااك الله اخوي دحوم النتفه ..

    سير ولا تقطع .. ^_____________________^

  2. هههههههههه شسووي عااد مود التصوير اخترته عشاان النعال ..خخخ
    فكفشتيني ..خخخخ الناس اذواق الابيض والاسود يمشي مع كل شي حتى مع البدله ..
    الناس يستغربون لا شافوني لابس تي شيرت وزبيريه ..عاادي مافيها شي ..
    عندي واجد والله ..هذي موب للكشخه ..
    عندي وحده صدق لا قالوا زبيريه مقاس اربعين ..كششششخه ..وغاااليه ..
    ماتطلع هالكفرات قصدي هالزبيريات الا وقت الاعراس والمناسبات ..
    وانتم بكراامه يعني والسامعين والقارين والزوار والمعقبين ..

    اوما مويه مثلجه حركاات الابتداائيه رااحت من زماان بدله وعليها ثووب ..وموية ثلج …
    بس حتى لو بيميع الثلج وتغلي المويه ..شمس تفقع الرااس ..

    لااااااع ثم لااااعين .. اسكت عن رياالي .. مستحيل غيرها غيرها مدرري شسمه ..
    O_O اي والله راح علي خيرها بغيرها ..
    المشكله اني مطفر .. ><" وآخر ريال في الصيفيه ..

    يالله سيري ولاتقطعين .. ^^”

  3. أهلا فيصل ^^
    شنج؟ ^^
    والله ماشاء الله نحن ماعندنا هذه الالات أبدا XD بس حتى لما جيت للسعودية ماجربتهاش عشان بابا مايحبش أنجرب حاجات هك XD
    ومثل ماقالت ضيونة لازم تشيل معك أميه << الحمد لله ان المرأة تشيل شنطة تدس فيها كل حاجة تبيها ^^
    كان الله في عونك على ضياع هذا الريال =_= " وإن شاء الله ربي يعوضك عنه بعشرة ريال 😀
    ننتظر جديدك ^^
    ^
    ^
    رد كله بالليبي لانك تحكي ليبي كويس ماشاءالله XD

  4. اهلووووش بأختي مرمر ..

    بااهي اكويس الحمدلله في خيار الخير ..^________________^

    كيف حالك شن اخبارك ..؟؟ ^^
    شن دايره في الاجازه ؟؟

    غريبه ماعندكمااش زيها في ليبيا ..O_o

    ههههههههههههههه آآمين ..بس 10 ريال ..><" اريد 10 مليون ريال ..^^،

    حياك الله اختي مرمر .. ^_______________________^

  5. ^^” أهلاً ..اخي ..

    هههههههههههههه ^^” موب الدنيا مسكات ..
    وبعدين لي وقت عن الببسي وقتها ..^^”
    شربت ماي من الصبح لكن حر الرياض ..
    يشفط المااي اللي داخل الجسم كله ..^^”

    حيااكـ الله اخووي ..
    ويالله شد حيلك نبي نشووف مدونتكـ ..^^”

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s