صدق خلصنا ……………………………….. O_O

شلااااااااااااااااااااام علييييييييييييييكم بالربع …

كيفكم صقيقيني ..
ان شاء كل ابوكم تمام ..
والله من زماان ماشفنااكم وع كذآ تفجأت بعدد الزوااار الاكراام والمعقبين الجدد ..

فحيااهم الله وبياهم ..وسيروا دوم ولا تقطعون ..

موب مصدق خلصت المدرسه ....مستحييل لي سنه انتظرها تخلص ..وقصم مانيب مصدق ..

جزء بسييييييييييييييط من الحوسه اللي عايش فيها .. احب الحوسه ..

كنت ابغى اجرب الاضائه مع الورق الازرق طلعت كووشخه ..

طبعًا  المعذره ع التأخير .. كله بسبب اخطاء تقنيه بالمدونه .. والله فحطت فيها تفحيط  ..

لكن للاسف الشديد سقطت آمالي صريعة ً  ع  الارض تترنح وتتخبط في مدونة وورد برس ..

<< اووما تترنح و تتخبط  ..

اي والله .. تترنح وتتخبط .. كنت ابغى اسوي قالب جديد وحركتات ..

وقالوا لي انت منت ولد نعمه .. لازم تشتري مدونه بقروش ..

عشان تقدر تصمم قالب ..وتسوي الحركتات اللي تبيها ..

<< حتى مارحموني الدموع تنهمر كالمطر .. << اوما كالمطر

ايه شوفوا بعد  سالت ع إثرها الاوديه والبقااع ..خخخ

قلت عندي تو ريالز دولار استرليني سعودي تنفع ..

قالوا نحن مشغولون في خدمة عملاء آخرون .. مالت ع ابوهم ..

وسحبوا علي ومحطوا بي الارض  .. حتى شوي وكنت باصيح ..

والله تعبت وانا احوس فيها واخرتها مثل مانتوا شاايفين ..

دموعي اللي تقوطر من الصبح ماحد عبرها..

وخنقني التعبير مادري وش سمه ذي اللي يقول بطل فراق وابطل شيشه ..

هاااااااااااااااااااع لا يكثر افري  ون ..

فتحت حساب في بلوقر والخيبه ..

وعقبال مانفتح حساب في بنك الراجحي ..

ههههههه والله لو يقط العالم العربي بريالين  واسجل فيها .. والله مااسجل …

انا كنت من المدونين المغبرين في بلوقر ..

والله عقدوني وكرهته حتى عصير السنتوب اللي سارقينه وحاطينه شعار بلوقر  ..

الان اتوقع بلوقر تطورت لاني لقيت تطورات حلوه فيها .. لكن عافت النفس عافت ..

الى الان مالقيت الشكل المناسب لمدونتي .. صدق الرخيص مخيس .. << بس المدونه ببلاش .. والله تعبت ..:(


هذا ماادري كيف احسن واحد كئيب وواحد وااااحد اايه يقوول موب لايق علي .. حسيت انه صروال موب قالب ..

هذا لقيت مثله في ثلاثه مدونات .. والله تعبت عشان اسوي اكواد الهيدر واللصقات بعد  ..مع ان يعني عندي آحلى .. عندهم موب منسق .. يلا حلال عليهم يقلدون بعض ..

أكره كلمة قلوودي قلوودي أذكر زمان يوم كنت صغير في الحديقه وحده دبااا مرره دووووبا مدبدبه كنت عاادي استنى دور ابغى ازحلق في الزحليقه .. اجي ازحلق بعدها تقول انت قلودي قلودي ..

وطنشتها وزحلقت وصفقتني كف الله لايوريكم افتريت فرتين ونص ه6ه6 الله لايعطيها العافيه ع ذااك الكف .. استغفر الله العظيم .. الله يسامحها ..

والله احسه باقي اثره في وجهي ..خخ .. حتى كنت حبوب ماخذ الكف في مقفااي وسااكت حتى ماعلمت امي  ..

حتى مابكيت .. والله بس دمعت مثل كذآ .. تصدقون لو اعرف من هي الحين لامعط شوشتها ..

والله بعدها كرهت الحديقه ولا عد ابي اروح لها نهائيا .. حتى كل ماامر من عند الحديقه اتذكر المخمس زييين ..

كنت مؤدب لاني ماكنت احتك بالناس واجد بس يوم دخلت  روضة الامآل ..خخخ مشيت مع زاحفين ..

وصرت عربجي نمبر  ون ..

المووهيم وهذا بعد .. هذا تقريبًا عجبني لكن في مشكله للمعقبين ..اللي عندهم ضعف نظر ..لذآ مقدرينهم ..

هذا كأنه راقا لي فأعتل إشفااقا .. ..

:::

اييه بعض الاؤناااس الانانااس والدونااات ..يشوفون ..

.. المووهيم  من بين كل الصور في التدوينه الساابقه اعجبتني صوره ..

فكرتها حلوه صرااحه  لكن تحتاج الى تطبيق ع فكره آخرى ..

عيب الصور الخط .. والجوال الخايس اللي مافيه شريحه بعد..

يوم الجمعه يووه ياااماا كتبت وكتبت وكتبت وكتبت كللله عشاان افهم الباب الاول في الرياضيات ..تصدقون خلصت الساعه 12 في الليل ..  باقي 4 ابواب .. يعععع

التنفااحتين هذي الصور يوم الاربعاء كان عندي اختبار انجليزي ..

معروف روتيني اليومي لازم أكل في اليوم تفاحه ع الاقل ..

لكن هالمره لقيت التفاح مختلف عن بعض .. توني اعرف ان التفاح ماركات .. مثل دفنشي وطقتها ..

<< الماركه الوحيد اللي اعرفها حتى مادري وشي بعد ..

وشي دفنشي ذي ماركة شباااصه ولا زنووبه ولا صروال ..؟؟؟

الموهيم لقيت نوعين وانا شكلين مابحكي واكلهن كلهن ..ذاك اليوم ماتعشيت ..

اعرف برتقال ابو صره المصري بسسس ..حتى اسمه غبي ..

انا انساان نبااتي اصلا .. << ام  النصب  توا متعشي شورما ..

.. لا هو الانسان لازم يغير الروتين حقه لا يصدق ويصر نباتيهمين يصير يجتر يقلب ا بقره ..

العصير هذا يعطي نشااط غير طبيعي .. ولا بعد برياال  صبااااااااااار  ..

طعمه شييييييييييييييي .. لقيته صدفه في البقاله ..وشريته وصورته ..

مع سندويش جبن بالكتشب والطماط .. .. اروح في خبر منصوب بالضمه المقدره ع آخره وفيصل حرف جر والسندويش اسم مجرور وهو بالاضافه ..

برووح البقاله اشتري عصير صبار .. واجيب صامولي بعد ..خخخ

واخيرًا مع السلامه ..

انتظرونا في تدوينه جديده ..

Advertisements
بواسطة فيصل

10 تعليقات على “صدق خلصنا ……………………………….. O_O

  1. لا أنت تتوهم ترا باقي لك بكرة السبت أختبار 😀 كركركركركركركر
    والله أنك صادق أنا يوم خلصت أمتحاناتي حسيت بأني كائن فضائي طالع من المقبرة O_o” للأن كل طاقتي صبيتها بفترة الأختبارات و كل أختبار أحلى من الثاني و الله يا ساتر بس الحمدلله كلو كويس, اما بالنسبه لعصيرك ذا ترا من جد رهيب جربته مرة و صرت مدمنه عليه حتى الوالد علق علي : قال خلاااص عاد غيريه اخاف تنقلبين تصيرين شجرة الصبار و يطلع لك شوك 😀 لوول + التميس إللي بالجبن 🙂 يمي يمي ده حاااااااقه تانيه كل يوم لازم يكون وجبتي فطور و عشاء للأن بعد العشاء ابدء اراجع و المراجعه يبي لها وقت, بالنسبه لتدوين انا فكرت قبلك بشراء مدونه لكن حسيت الوضع ما بيكون مريح لي للأن على حسب إللي فهمته من كلام المسؤولين لهشغله بأني لازم ادفع سنوياً او شهرياً >.>” و انا مب متفرغه لهالسواليف ذي الصراحه شغله فقررت أدون مجاني عادي للأنه ممتع و غير مكلف و مقلق وهي السالفه مش دفع غير بأن لو اشتريت و صار شئ لا سمح الله اختراق ولا عطل بسيط بينحرق قلبي على الفاضي T^T اذكر سالفه لوحدة من المدونات اخترقت مدونتها وهي مدفوعه و صارت سالفه إلين رجعت حقها بس مش كل مرة تسلم الجرة فنصيحه و اسمع من شخص ما جرب بس يحس بأن تجربتها قلق لا تشتري و ريح مخك و مش حالك على قد لحافك 😀 او اسأل اكثر و شوف وضعك كيف يسمح لك والله الموفق !!

    سلاااام

    • والله ..O_O .. من جد المشكله لو طلعت النتيجه كان تهون شوي اصدق لكن ماطلعت ..><"
      حتى قبل الاختبارات كنت اقول اذا خلصت بسوي واسوي واسوي ..
      هممم خلصت ومالي نفس اسوي شي ..احس كذآ متكسور ..
      ههههه كائن فضاائي ..ههههه تتابعين افلام واجد شكلك …خخخ
      الله يستر الله يستر الله يستر الله يستر وطلع نسبه عال العال ..^^"
      شجرة صباار ههههههه .. اووووماا تميس يالصعيديه ..
      اناا قد افطرت تميس ويين والله كانت سنوني بتتخلوع مع التميسه ..
      ماتنأكل كأني اعض قطعت زوليه استغفر الله العظيم الله يديم النعمه بس ..ههههه
      مااشااء الله عليك اسنون تمساااح ..خخخخ
      تميس وجبن وشطه شييي بس التميس جديد موب حق امس ..
      همم انا حاط في راسي اشتري شريتها .. لكن مثل ماقلتي ماحد متفرغ ..كل شهر او كل سنه ..
      اوما ع الهكر .. التهكير في المدونات يكون عن طريق الايميل موب عن طريق المدونه ..
      ومستحيل ع هكر تهكير قاعدة بيانات وورد برس شركه كبيره للتدوين ..
      واكيد لها سرفرات وخرابط ضد التهكير ..^^"
      آآمين ويااك يارب ..
      حيااك الله اختي اونج ..
      سيري ولا تقطعين ..^^"

      • >.>” سنون تمساح هااه, أجل أنتبه للأجي أعضك =P كركركركر
        بالنسبه لمدونة بالعكس السرفير يبدو بأن قوة عاديه في الموقع للأن الهكر مش من الإيميلات من مخترقين لمواقع و هذا رابط مدونتي القديمه الخربانه http://anoooj.wordpress.com/ للأن لا استطيع دخولها عشان كذا سويت مدونه جديدة بأسم ضوء النقاء و بعد زي منتدى زميلتي 3 مرات اخترق بسبب عدم وضع برامج قويه أمنه و عدم وجود طاقم إداري لدعم الفني و حمايه منتدى, الأختراق يمكن يجي عادي بوجود او عدم وجود حمايه للأن برامج الفايروس قويه مرة بعضها تتلف كل شئ اسأل خبير بهالمواضيع =P

  2. ههههههههههههه ..لاتكفين اعطيك تميسه ..خخخ
    همم بالنسبه للمنتدى ع حسب استضافة المنتدى ..
    فيه استضافات موب قويه ..عادي وسهل كسرها ..
    والمواقع المجانيه ..ايضا سهل وجود ثغرات فيها..
    عندنا موقع المدرسه حقنا .. تحدانا استاذنا نهكره ..
    فعلا مااقدرنا ..وجبنا فزعات من برا ..وماقدرنا ..لان استضافته قوويه ..
    يدفعون فيه كل سنه 150 ريال ..
    لكن اكثر الاختراقات للمنتديات تكون عن طريق اختراق مدير المنتدى نفسه ..
    وسرقة حساباته ومن ايميل المدير يتم اللعب في قاعدة البيانات وغيرها ..
    بمجرد دخول ملف واحد بإمكانه سرقت كل شي ..
    الملف يمكنك من معرفة الباسوورد للأميل ..
    من الاميل لصندوق الرسائل ..وووو
    واما اختراق الموقع برااسه لكن يحتاج هكر خبير بهالاشياء ..
    يفهم في خرابيط الاتش تي ام ال ووو إلخ ..
    اكيد قويه لكن اذا كان برنامج الحمايه اصلي والويندوز اصلي ..
    فمستحيل اختراق العميل ..^_____________^
    اما مدونتك الاولى وشلون وش المشكله بالضبط ..O_o
    اذا الباسورد ضعي ايميلك ويصلك باسوورد جديد ..فقط ^^” ..

    • هذا كان زمان و زمان فعل ماضي مبني على الفتح هووووووع, انا عندي كاسبر بجهازي الثاني كاسبر 2010 و نورث لكن مع الأصـف تجيني برامج غبيه هذا يدل على ان بعض برامج الأختراق تطورت و اقوى برنامج هكر يستعملونه المتجسسين هو Hackers Utility و Net Buster لذلك مدونتي فيها خلل فني غير إن أصابها أختراق و مدونات الووردبريس لا تستقبل رسائل إلا رسائل الزوار فممكن يكون زائر سرق المعلومات و قدر يهكر @_@” والله أعلم لكن فيه بعض برامج الحمايه تكون فائدتها قويه لكن برامج التجسس الحديثه أقوى منها!

  3. ماادري اذا تطورت ^^” ..
    لي فتره طويله عن السووق السوداء ..خخخخ
    واللي يهكر دائمَا يعرف الموقع اللي تستحق التهكير ..
    ولانه لو يهكر شي مايستحق فرد عضلااات فقط ..
    ماراح يسلم من دعوات الناس ..
    ورااح يجي وااحد مستقبلاً ويكسر راسه ..
    لان المهكر مستحيل يكون لحاله بيكون عنده قروب هكر كامل ..^_________^”
    وصلى الله وباارك ..^_______________________^

  4. فيصل انت لازم تحدد وش تبي تتكلم فيه ماشاء الله عليك اتكلمت في كذا نقطه عموما
    بالنسبه للنقطه المهمه تبع القوالب ليش ماتحجز مساحه مجانيه مثل مدونتي
    ماشاء الله اخر حلاوه وتقدر تتحكم في الثيم كله تصممه على ما تبي ..
    عموما موفق ان شاء الله ..

  5. ههههههههههههههههههه
    ان شااء الله اليوم في تدوينة اليوم بتكلم عن بس ثلاثه تجاارب بس ..^^”
    يعني وشلوون مسااحه مجاانيه ..؟؟
    ماادري لكن هنااك خوواص ومميزات في الوورد برس والبلوقر ..
    تميزها عن باااقي المدونات ..
    فالذلك فضلت الوورد برس ع البقيه ..
    لكن يعيب وورد برس القوالب فقط لا غير اما البااقي فهنا يكمن تميزها عن غيرها ..^^”
    لكني داائمًا مااحبذ التميز بالمظهر .. لكن الله يصبرنا ..^^”
    اشكرك ع تعقيبك اختي وع حسن اهتمامك ..^^
    كوني بخير دومًا ..

  6. يعني وشلوون مسااحه مجاانيه ..؟؟
    هي مدونة ورد بريس ولكن تكون مساحه مجانيه مستقله يكون الرابط تبعها
    tasn-eem.co.cc كذا بدون كلمة وردبريس مثل رابطك<< تقول يارب فهم 😦
    مميزاتها كثير واهمها القوالب وتصميمها تقدر تتحكم فيهم بشكل كبير
    عموماً انا اتعلمت هالسالفه الطويله من هالرابط
    http://msa6el.mbc.net/vb/tt63363.html
    ان شاء الله تستفيد منه
    ،
    موفق

  7. االله يعطيك العآآفيه اختي وجزآآك الله خير وماقصرتي ..^^
    وآآسف اكوون ازعجتك !! ^^” >> -_- داري بطئ في الفهم ..خخخ يبغالي مدرس خصوصي ..
    والله طووووووووووووووويل الشرح يبغااله تفرغ يوم كااامل ..
    بإذن الله اول ماافرغ من بعض الاشغاال احااول اول تجربتها ..
    لكن يقوول انها لا تدوووم الاضاافه طويلا واكثرها 3 سنوات ..^^”
    والمساحه المجانيه هممم خوفي من الحماايه فيها ^^” يكون سهل كسر حمايتها ..
    ^^ اشكرك فعلا جززيييل الشكر ..اسعدك المولى ..^^
    كوني بخير ..^^”

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s